“პირველად ვდგავარ მიტინგზე. ცხადია, სიტყვით გამოსვლას არ ვაპირებ, არ მიზიდავს ეს საქმე. უბრალოდ ვდგავარ და მიხარია, რომ ძალიან, ძალიან ბევრი ახალგაზრდაა, ემატება და ემატება. ეს სისავსე იმ ქუჩის და მოედნის, სადაც ბოლო ასი წელია საქართველოს ისტორია იწერება – ითარგმნება მოკლე, მარტივ და უმთავრეს წინადადებად – ჩვენი სახლი ევროპაა, ჩვენი მისამართი ევროპაში ეძებეთ”,_ წერს სოციალურ ქსელში მწერალი, საქართველოს პარლამენტის ეროვნული ბიბლიოთეკის გენერალური დირექტორი გიორგი კეკელიძე.
