უკრაინის მესაზღვრეების მიერ გავრცელებულ ვიდეოს მიხედვით, რუსული სამხედრო მანქანები უკრაინაში ყირიმის გავლით შევიდნენ. ინფორმაციას CNN ავრცელებს.
ტელეკომპანია წერს, რომ გაურკვეველია რომელი სასაზღვრო გადასასვლელიდან შემოდიან უკრაინაში მანქანები – ჩონგარიდან აღმოსავლეთით თუ კალანჩაკიდან დასავლეთით.
ასევე CNN წერს, რომ დღეს დილით გავრცელებული ვიდეოს თანახმად, ბელარუსის სასაზღვრო პუნქტიდან ჯარისკაცებისა და სამხედრო მანქანების კოლონა უკრაინაში შედიოდა. ვიდეო გადაღებულია ადგილობრივი დროით დილის 6:48 საათზე, უკრაინაში, სენკოვკასა და ბელორუსში, ვესელოვკას შორის საზღვარზე.
მანამდე უკრაინის სასაზღვრო დაცვამ CNN-ს განუმარტა, რომ მათ საზღვრებს თავს დაესხნენ რუსეთი და ბელარუსი “არტილერიის, მძიმე ტექნიკისა და მძიმე იარაღის გამოყენებით”.
შეგახსენებთ, რომ დღეს, 24 თებერვალს, დილის 5:00 საათზე, რუსეთის ფედერაციის შეიარაღებულმა ძალებმა დაიწყეს უკრაინის შეიარაღებული ძალების ქვედანაყოფების ინტენსიური დაბომბვა.
[sexy_author_bio]
