10 წლის ბავშვი ბათუმიდან თბილისში გადაჰყავთ. მას Covid 19 დაუდასტურდა – ინფორმაციას ინფექციური საავადმყოფოს სამედიცინო დირექტორი, მარინა ეზუგბაია ადასტურებს.
„მეორე დადასტურებული პაციენტი გადმოყავთ ახლა ბათუმიდან. ეს არის 10 წლის ბავშვი. მისი ისტორია ჩემთვის არ არის ცნობილი. მშობელს უარყოფითი აქვს, მარტო ბავშვს აქვს დადებითი“ ,_ განაცხადა ეზუგბაიამ.
აჭარის ჯანდაცვის სამინისტროს ინფორმაციით, 10 წლის ბავშვი, სიცხით საავადმყოფოში დღეს შეიყვანეს. მას Covid 19 დაუდასტურდა. ის ბებიასთან ერთად იმყოფებოდა ბათუმში, რადგან მშობლები არიან თბილისში, გადაწყვეტილება იქნა მიღებული თბილისში მომხდარიყო არასრულწლოვანის ტრანსპორტირება.
ამ დროისთვის ქვეყანაში კორონავირუსის 117 შემთხვევაა დადასტურებული, რომელთაგან 23 გამოჯანმრთელებულია.
