საერთაშორისო გამჭვირვალობა – საქართველოს“ რეგიონული ოფისების ხელმძღვანელის ზვიად ქორიძეზე თავდასხმაზე ამ დრომდე არავინ არ არის დაკავებული. მასზე თავდასხმა სასტუმრო „შერატონში“ მოხდა. ზვიად ქორიძის თავდასხმიდან რამდენიმე საათში მისმა მეუღლემ, მაია ცირამუამ, რომელიც ამ ფაქტს შეესწრო, ფეისბუქზე მცირე ინფორმაცია გაავრცელა.
„ყველას დიდი მადლობა მხარდაჭერისთვის. ზვიადი კარგადაა. დიტო სამხარაძე, თანმხლებ პირებთან ერთად დაესხა თავს. ეს მოხდა მაშინ, როცა ტელეფონზე ვსაუბრობდით. ყველაფრის შემსწრე ვარ. მესმოდა, რა და როგორ მოხდა. პოლიციას შეუძლია, გამომკითხოს, როგორც ერთ-ერთი მოწმე”, _ წერს მაია ცირამუა. „გურია ნიუსი“ მაია ცირამუას დაუკავშირდა. მისივე თქმით, მას დარჩა შთაბეჭდილება, რომ ზვიადზე თავდასხმელებს უნდოდათ მისი პროვოცირება. „დამრჩა შთაბეჭდილება, რომ ზვიადზე თავდასხმელებს უნდოდათ მისი პროვოკაციაზე წამოგება.
ფიზიკურად კი გაუსწროდნენ, მაგრამ რაღაცა მძიმე ფორმებით უნდოდათ ეს ყველაფერი ან ესკალაცია უნდოდათ, რაღაცა კონფლიქტის. ისეთ რაღაცებს ეუბნებოდნენ, გაუგონარს. მე ასეთ ბილწსიტყვაობას, მუქარას, გინებას და ადამიანის დამცირებას არ შევსწრებივარ. ეს ყველაფერი ზვიადმა მოითმინა და საბოლოო ჯამში, ესკალაცია არ მოხდა.
დაცვამ მას შემდეგ გაიყვანა ზვიადი იმ ტერიტორიიდან, სადაც მას თავს დაესხნენ, როდესაც მან იკითხა: თავს მესხმიან და აქ დაცვა არ არის? რა დაწესებულება არის?! და დაცვამ დაცვამ გაიყვანა ზვიადი იმ ტერიტორიიდან.
ავტორი
