დეპუტატ ლევან გოგიჩაიშვილის კონაქტებში “ერთიანი ნაციონალური მოძრაობის” რუსთავის მაჟორიტარი დეპუტატობის კანდიდატი დავით კირკიტაძეცაა.
როგორც „ერთიანი ნაციონალური მოძრაობის“ პიარმა, სალომე სიგუამ სოციალურ ქსელში გაავრცელა ინფორმაცია, დავით კირკიტაძეს ტესტის პასუხი კორონავირუსზე დადებითი არ არის. ის არც კარანტინში და არც იზოლაციაში არ იმყოფება.
„დათო კირკიტაძე სრულიად ჯანმრთელია. არ აქვს კოვიდ 19 და ამას ადასტურებს მის მიერ გენეტიკის ეროვნულ ლაბორატორიაში ჩატარებული ტესტის პასუხიც, რომელიც პრევენციის მიზნით გაიკეთა.
არ არის თვითიზოლაციაში/კარანტინში, საღამოს იქნება გადაცემა “რეაქციაში”.
ვფიქრობ, არასდროს, არავის გასჭირვებია ჩვენთან რაიმე ინფორმაციის გადამოწმება. ამისთვის ყოველთვის ღია ვართ“,_ წერია ინფორმაციაში.
ცნობისთვის ,ლევან გოგიჩაიშვილს და მის მეუღლეს კორონავირუსი გუშინ დაუდასტურდათ.
არსებული ინფორმაციით, ლევან გოგიჩაიშვილი კირკიტაძეს ტელეკომპანიაში შეხვდა.
