ჩოხატაურის მუნიციპალიტეტის მერი დავით შარაშიძე საქართველოშ დღეს მიმდინარე მოვლენებს სოციალური ქსელში ეხმაურება:
“გულდასმით ვადევნებ თვალს ჩვენს ქვეყანაში მიმდინარე პროცესებს და მინდა ჩემი, როგორც რიგითი მოქალაქის პოზიცია გამოვხატო რუსთაველზე მიმდინარე პროცესების მიმართ. ძალიან რთული საყურებელია თუ რა ხდება ჩვენს გარშემო, მაგრამ მინდა შეგახსენოთ, რომ არასდროს ჩვენი ქვეყანა ისე ახლოს არ ყოფილა ევროკავშირთან როგორც ქართული ოცნების ხელისუფლების დროს(ვიზალიბერალიზაცია, კანდიდატის სტატუსი), თუ ქართველებმა უარი უნდა ვთქვათ ჩვენს კულტურაზე, ჩვენს ტრადიციებზე და ჩვენს ღირებულებებზე, ეს ძაან რთულია, ჩემს გვერდში იმიტო დგეხარ, რომ შევიცვალო აზრი, გონება და გავიზიარო შენი ტრადიციები და ღირებულებები??? არაა!!! მე მინდა ჩემი შვილი გაიზარდოს ქართული სულისკვეთებით და რათქმაუნდა ევროპაში.
მინდა შეგახსენოთ ერთი მნიშვნელოვანი გარემოება, როცა ჩვენ დაგვიწესა ევროკავშირმა 9 პუნქტიანი გეგმის შესრულება და მერე მოგანიჭებთ კანდიდატის სტატუსსო, ჩვენ მაქსიმალური გავაკეთეთ მაგრამ უშედეგოდ, უპირატესობა მიენიჭა ჩვენზე ბევრად უკან და ბევრად ცუდ სიტუაციაში მყოფ მოლდოვას, ჩვენ კი კიდე ერთი წლით გადაგვიწიეს, მაშინ რომ არა ჩვენი გუნდის ძალიან მტკიცე და ძალიან ხისტი პოზიცია არ მოგვანიჭებდნენ კანდიდატის სტატუსს.
ხელისუფლებამ, რომელმაც ყველაზე უფრო დაახლოვა ჩვენი ქვეყანა ევროკავშირთან ვეძახით რომ რუსულ საქმეს აკეთებო რატომ??? რადგანაც ღია ომს არ ვუცხადებთ რუსეთს? რადგანაც სანქციებს არ ვუწესებთ? რადგანაც მშვიდობა არჩია ხელისუფლებამ? ამის გამო აკეთებს ჩვენი მთავრობა რუსულ საქმეს??? აღარ გვინდა დაკარგული ტერიტორიები, აღარ გვინდა მგლოვიარე დედები, აღარ გვინდა დაღუპული ახალგაზრდა ბიჭები და გაუბედურებული ოჯახები, 21-ე საუკუნეში მშვიდობიანი გზით მოლაპარაკებით, შეთანხმებით და სწორი საგარეო პოლიტიკით გამოვა ქართული საქმე, გამოვა ის რაც ამდენი წელია თითოეული საქართველოს მოქალაქის ნატვრაა, ჩვენი ტერიტორიული მთლიანობა, თუ ჩვენ არ გამოვასწორეთ წინა ხელისუფლებების დროს დაშვებული შეცდომები და არ დავიბრუნეთ დაკარგული ტერიტორიები სულ ილუზიებში და ევროპის კარზე კაკუნში ვიქნებით. ჩვენ მხოლოდ მაშინ გავხდებით ევროკავშირის წევრი, როცა დავიბრუნებთ დაკარგულ ტერიტორიებს ან მეორე უნდა ვაღიაროთ რომ ეს ტერიტორიები ჩვენი აღარ არის. ვსვამ კითხვას რომელი ჯობს??? რათქმაუნდა პირველი და ზუსტად ქართული ოცნების პირველი პრიორიტეტი ტერიტორიული მთლიანობაა.
ძალიან მნიშვნელოვანია 2 გარემოება, პირველი, გერმანიაში ტარდება არჩევნები და მმართველმა პარტიამ საარჩევნო პროგრამაში ჩაწერა, რომ არჩევნებში გამარჯვების შემდეგ უნდა განიხილონ ევროკავშირიდან გამოსვლა და მეორე ზელენსკის უკრაინელების მხოლოდ 18% უჭერს მხარს ეს ციფრი კიდე შემცირდება, უკრაინას რით დაეხმარა ევროპა??? განუწყვეტლივ აწვდიდა იარაღს და დიპლომატები შეშფოთებას გამოხატავდნენ, შედეგი დადგა ის რაც დადგა, მილიონამდე ჯარისკაცია დაღუპული, მთელი უკრაინა ქვეყნიდან გაქცეული და პრაქტიკულად ქვეყანა აღარ არსებობს და ჩვენ გვეუბნებოდნენ ომში ჩაებითო.
მე დარწმუნებული ვარ ჩვენი ქართველობის, მე მჯერა ჩვენი ერის, მჯერა ჩვენი ქვეყნის ნათელი მომავლის და მჯერა რომ ქართული ოცნება დაიბრუნებს დაკარგულ ტერიტორიებს და გამთლიანებული გაბრწყინებული გავხდებით ევროკავშირის წევრი ქვეყანა. ეს დრო ძალიან ახლოსაა ქართველებო ნუ დავაწერინებთ სხვადასხვა გარეწარ ოპოზიციურ პარტიებს პოლიტიკურ ქულებს, მე მჯერა ჩემი ქვეყნის, მჯერა ჩვენი ხელისუფლების”, _ წერს დავით შარაშიძე.
