დღეს, დილიდან, ოზურგეთში, გურიის ქუჩაზე, ერთი კილოგრამი ცერცვი შვიდი ლარი ღირს! ამავე ქუჩაზე იგივე ფასად შეგიძლიათ შეიძინოთ მარწყვი და ყველი!
_ყველის ასეთ ფასად გაყიდვას არავინ ელოდა, ორიდე თვის წინ არსებულ ფასებთან შედარებით. ხოლო ცერცვის ფასი, პირიქით, ყველას უკვირს.
დიალოგიც შესაბამისი ისმის:
_რა ამბავია, „გაროხი“ შვიდ ლარად? რა ასვით და აჭამეთ ასეთი? _ ხან ხუმრობენ და ხან ბრაზობენ მომხმარებლები.
_შრომა უნდა ამას, ბაბუა, შრომა. რომ გიყვარდეს შრომა, ყველა დათესავთ შემოდგომაზე და ახლა არ გექნებათ საყიდელი, _ ამბობს გამყიდველი.
_მარწყვი? შვიდი ლარია, გენაცვალე, აგერ, მარწყვივით ფერადი გოგო, მანანა ყიდის! მარტო ამიტომ უნდა იყიდოთ, _ ხუმრობენ იმავე გურიის ქუჩაზე.
რაც შეეხება ყველს, დაკლებული ფასი ამ ჯერად ამ პროდუქტის გამყიდველებს არ მოსწონთ.
_რაც ყველაზე ძალიან სჭირდებათ ადამიანებს საკვებად, სწორედ ის გაიფდა ახლა. ქატო და შავი პურის ფქვილი ისე გაძვირდა, რა უნდა დაგვრჩეს ამ ყველის გაყიდვით. რამდენი შრომა და ხარჯი სჭირდება. ბაზარში წამოღებაც არ ღირს, _ გულდაწყვეტით საუბრობენ ისინი.
რაც შეეხება ახალ კარტოფილს, შვიდი ლარიდან, ახლა ერთი კილოგრამის ფასი ხუთ ლარზე ჩამოვიდა და მომხმარებლები უმეტესად მაინც შარშანდელი კარტოფილის ყიდვას ამჯობინებენ.
ავტორი
