ბახმაროში, რამდენიმე კვირის წინ ჩამოწოლილმა ზვავმა, 14 საცხოვრებელი სახლი დაანგრია. ფოტო-ვიდეო მასალას სოციალურ ქსელში ხატია უგრეხელიძე ავრცელებს.
“ბუნებას დიდი ძალა აქვს, როდის, რას მოიმოქმედებს არავინ ვიცით.ეს, ზვავის დროს დანგრეული სახლებია..14 სახლი განადგურდა სამწუხაროდ. ეს მოხდა თებერვლის ბოლოს და გამოჩნდა როდესაც თოვლი ადნა”,_ წერს უგრეხელიძე სოციალურ ქსელში.
როგორც ცნობილია, ამ დროისთვის მიმდინარეობს ჩოხატაური-ბახმაროს დამაკავშირებელი გზის გაწმენდითი სამუშაოები.
“გურია ნიუსი” ბახმაროში ჩოხატაურის მერის წარმომადგენელს, შალვა ცინცაძეს დაუკავშირდა, თუმცა მან გვითხრა, რომ ამ დროისთვის შეხვედრაზე იმყოფება და მოგვიანებით გაგვესაუბრება.
როგორც “ბათუმელები” წერს, ცინცაძე ამბობს, რომ დანგრეული სახლების შესახებ დაზუსტებული ინფორმაცია ამ დროისთვის არ აქვთ.
„ამ წუთებშიც გრძელდება გზის გაწმენდა შესაბამისი ტექნიკით. ზუსტად როდის გაიხსნება გზა – 5 თუ 10 დღეში – ამის განსაზღვრა ამ დროისთვის რთულია. რაც შეეხება დიდთოვლობით თუ ზვავის გამო დანგრეულ სახლებს, დაზუსტებული ინფორმაცია ამ დროისთვის არ გვაქვს“.
