საფრანგეთის პრეზიდენტმა, ემანუელ მაკრონმა განაცხადა, რომ ძალიან გაურთულებს ცხოვრებას იმ მოქალაქეებს, რომლებსაც კორონავირუსის საწინააღმდეგო ვაქცინის გაკეთება არ სურთ. ამის შესახებ პრეზიდენტმა Le Parisien-თან მიცემულ ინტერვიუში განაცხადა.
მაკრონმა აღნიშნა, რომ ძალით ვინმეს აცრას არ აპირებს, მაგრამ იმედოვნებს, რომ შესაბამის სტიმულს გაუჩენს აუცრელ ადამიანებს, როდესაც საზოგადოებრივი თავშეყრის ობიექტებზე მათ წვდომას მინიმუმამდე შეამცირებს.
”მე არ მინდა ფრანგი ხალხის გაბრაზება, მაგრამ რაც შეეხება არავაქცინირებულებს, ძალიან მინდა მათი გაბრაზება. და ჩვენ გავაგრძელებთ ამას ბოლომდე. ეს არის სტრატეგია.
დემოკრატიაში ყველაზე ცუდი მტერი სიცრუე და სისულელეა. ჩვენ ვახდენთ ზეწოლას არავაქცინირებულებზე, რაც შეიძლება მეტად უნდა შევზღუდოთ მათი ხელმისაწვდომობა სოციალურ ცხოვრებაში.
მე არ გავუშვებ მათ ციხეში, ამიტომ უნდა ვუთხრათ, რომ 15 იანვრიდან ვერ წავლენ რესტორანში, ვერ დალევენ ყავას, ვერ წავლენ თეატრსა თუ კინოში
როდესაც ჩემი თავისუფლება, სხვების თავისუფლებას ემუქრება, მე ვხდები უპასუხისმგებლო ადამიანი. ვინმე უპასუხისმგებლო, არ არის მოქალაქე“.“ – განაცხადა მაკრონმა.
საფრანგეთის პრეზიდენტის აღნიშნულმა განცხადებამ, საფრანგეთში დიდი აურზაური გამოიწვია და პოლიტიკურმა ოპენეტებმა გააკრიტიკეს.
”არავითარი ჯანდაცვის საგანგებო მდგომარეობა არ ამართლებს ასეთ სიტყვებს”,_ თქვა ბრუნო რეტაილომ, სენატში მემარჯვენე რესპუბლიკელების ხელმძღვანელმა. მისივე თქმით, ემანუელ მაკრონი ამბობს, რომ მან ისწავლა ფრანგების სიყვარული, მაგრამ, როგორც ჩანს, განსაკუთრებით უყვარს მათი ზიზღი.
ულტრამემარჯვენე ეროვნული პარტიის ლიდერმა, მარინ ლე პენმა თქვა, რომ პრეზიდენტმა “არ უნდა თქვას ასეთი რამ” და დასძინა, რომ ენა “არ არის ღირსი თანამდებობისთვის” მაკრონი არავაქცინირებულებს მეორე კლასის მოქალაქეებად აქცევს ”
შემოთავაზებული კანონი სხვებმაც გააკრიტიკეს. ჟან-ლუკ მელენშონმა, რადიკალური მემარცხენე პარტიის France Insoumise-ის ლიდერმა, მაკრონის ენას უწოდა „შემაძრწუნებელი“ და დასძინა: „აშკარაა, რომ ვაქცინის საშვი არის კოლექტიური სასჯელი ინდივიდუალური თავისუფლებების წინააღმდეგ“.
ცნობისთვის, საფრანგეთში ვაქცინაციის დონე ევროპის ქვეყნებს შორის ერთ-ერთი ყველაზე მაღალია: მოზრდილი მოსახლეობის 90% უკვე ორჯერადად არის აცრილი. ბოლო თვეების განმავლობაში საზოგადოებრივი თავშეყრის ადგილებში საფრანგეთში ვაქცინაციის დამადასტურებელ საბუთს ან კორონავირუსზე ტესტის უარყოფით პასუხს ითხოვდნენ, თუმცა „ომიკრონის“ სწრაფი გავრცელების ფონზე ხელისუფლებას სურს, ასეთ ობიექტებში შესვლის უფლება მხოლოდ ვაქცინირებულ პირებს მისცეს.
[sexy_author_bio]
