„ერთ „დაპატიმრებულ“ ჭაზე, სამი „მატორი“ და 6 ოჯახია ჩამოკიდებული“: სოფელი მერია უწყლოდაა

ოზურგეთის მუნიციპალიტეტის სოფელ მერიაში, დიდი ხანია,  ადგილობრივ მცხოვრებთ სასმელი წყლის პრობლემა აწუხებთ.

_რამდენიმე ოჯახშია მოქმედი ჭა. ვისაც ჰქოდა, ყველგან დაშრა, რაც ნაირ-ნაირი კარიერები  აღმოცენდა მდინარე ნატანებზე.  ასეთი მწყურვალი სოფელი სად იქნება? 700 კომლზემეტია სოფელში. ჭა  ვისთანაც არ არის  დამშრალი, იქ სამი-ოთხი ოჯახი მაინ მიდის წყლისთვის. ზოგი ძაღლის დაბმაც ვერ აუდის, იმდენი წყლის მთხოვნელი ჩადის ეზოში. სოფლის ცენტრში გვაქვს  ერთ „დაპატიმრებული“ ჭა და  ამ ერთ    „დაპატიმრებულ“ ჭაზე,  სამი „მატორი“ და  6 ოჯახია ჩამოკიდებული“:  ვინმე ან რაიმე რომ არ ჩავარდეს, კბილებიანი მავთული შემოვავლეთ. სამი „მატორია“  ჩაკიდულია და სამჯერ სამ ოჯახს ვედროთ ამოაქვს წყალი,  – გვეუბნებიან მერიელები და გვაჩვენებენ  აღნიშნულ ჭაში ჩაკიდულ რამდენიმე ტუმბოს და ასევე ვედროს, რომლითაც ლამის წყლის დატაცება ხდება.  

ვახტანგ მარგალიტაძე, მერიის მკვიდრი: სოფელი მერია უწყლოდაა. ეს არის ძალზე დიდი პრობლემა ამ  სოფლისთვის, თორემ პრობლემა სხვაც ბევრია.  კომუნისტების დროს გოგორეთის უბანში, რომელიც ზეგანზე მდებარეობს, მოთავსებუყლი იყო გამანაწილებელი აუზი.  მდინარე ნატანებიდან  წყალსაქაჩი ტუმბოებით ხდებოდა  ამ უზარმაზარი აუზის ავსება და ხალხს  უწყვეტ რეჟიმში მიეწოდებოდა წყალი. ამას ახლა ასე ვინ გააკეთებს. სახელმწიფო უნდა და დიდი ფინანსური შესაძლებლობა. ადვილად არ მოხერხდება. ნაწილ-ნაწილ მაინც უნდა გაკეთდეს, რომ ხალხმა სული მოითქვას.

ოზურგეთის  მუნიციპალიტეტის მერიის ინფრასტრუქტურის სამსახურის უფროსის,  თემურ გიორგაძის განმარტებით, გოგორეთის უბანში დასრულების პირასაა ჭაბურღილის მშენებლობა, რომელიც მუნიციპალიტეტის ბიუჯეტიდან ფინანსდება.

_ახლა ხდება  ამორეცხვის  სამუშაოები. მალე დაიწყებს ფუნქციონირებას, _ გვითხრა მან.

_კარგია 50 თუ ასი ოჯახის სამყოფად გაკეთდება, თუმცა წყალი ყველას გვინდა, -ამბობენ მერიელები.

ვრცლად სოფელ მერიის პრობლემებზე „გურია ნიუსი“ მალე გიამბობთ.