აშშ-ს ყოფილი პრეზიდენტის, დონალდ ტრამპის ინფორმაციით, ფლორიდაში მის სახლში FBI-ის აგენტები შევიდნენ გაჩხრიკეს და მისი სეიფი გატეხეს. ამის შესახებ BBC წერს.
ტრამპის თქმით პალმ ბიჩში სახლი “FBI-ის აგენტების დიდი ჯგუფის მიერ იყო ოკუპირებული”. როგორც BBC წერს, ჩხრეკა ოფიციალურ დოკუმენტებზე დაწყებულ გამოძიებასთან არის დაკავშირებული, რომლებიც, ამერიკული მედიის ცნობით, შესაძლოა, ტრამპმა თეთრი სახლიდან წაიღო.
CNN-ს უწყების სამმა წარმომადგენელმა უთხრა, რომ ჩხრეკა გამოძიების ნაწილია და სავარაუდო იყო, რომ საპრეზიდენტო დოკუმენტები, მათ შორის საიდუმლო დოკუმენტები, შესაძლოა ამ სახლში ყოფილიყო.
“ჩემი ლამაზი სახლი, მარ-ა-ლაგო პალმ ბიჩში, ფლორიდაში, ამჟამად ალყაშია, დარბეულია და დაკავებულია FBI-ს აგენტების დიდი ჯგუფის მიერ”, – თქვა ტრამპმა ორშაბათს საღამოს განცხადებაში.
მისივე სიტყვებით, შეასბამის სამსახურებთან თანამშრომლობდა, ამიტომ სახლის “გაუფრთხილებლად დარბევა” საჭირო და მიზანშეწონილი არ იყო.
“ეს ბნელი დროა ჩვენი ერისთვის”. ასეთი რამ მხოლოდ მესამე სამყაროს ქვეყნებში შეიძლება მოხდეს. სამწუხაროდ, ამერიკა ახლა ერთ-ერთი გახდა ამ ქვეყნებიდან, კორუმპირებულია ისე, როგორც არასოდეს ყოფილა, – დაწერა დონალდ ტრამპმა.
ტრამპის ადვოკატის, კრისტინა ბობის ცნობით, ჩხრეკის დროს რამდენიმე დოკუმენტი ამოიღეს.
ცნობისთვის, იუსტიციის დეპარტამენტს ორი ცნობილი გამოძიება აქვს დაწყებული ტრამპის წინააღმდეგ. ერთ-ერთი საიდუმლო დოკუმენტების გატანა-დამუშავებას ეხება, სწორედ ამ გამოძიების ფარგლებში ჩატარდა ჩხრეკა.
CBS News-ის ცნობით, ჩხრეკის დროს ტრამპი აშშ-ში, ტრამპ თაუერში იმყოფებოდა.
ავტორი
