გაერთიანებული სამეფოს, პოლონეთისა და უკრაინის საგარეო საქმეთა მინისტრები მათ ქვეყნებს შორის გაფორმებულ მემორანდუმთან დაკავშირებით ერთობლივ განცხადებას ავრცელებენ.
დოკუმენტში აღნიშნულია, რომ 3 ქვეყანა გააძლიერებს ერთობლივ მუშაობას უკრაინაში სტაბილურობის დასაცავად და მდგრადობის გასაძლიერებლად, ასევე, დემოკრატიის გასაძლიერებლად აღმოსავლეთ ევროპის საზღვარზე.
“გაერთიანებული სამეფო, პოლონეთი და უკრაინა სარგებლობენ ღრმა ისტორიული კავშირებით, რომლებიც აგებულია საერთო ღირებულებებზე, მშვიდობისა და უსაფრთხოების საერთო ერთგულება და ერთობლივი დგომის ისტორია აგრესორების წინააღმდეგ, რომლებიც საფრთხეს უქმნიან ევროპაში თავისუფლებას.
ჩვენ ვიმეორებთ, რომ თითოეული ევროპული სახელმწიფო თავისუფალია აირჩიოს ან შეცვალოს თავისი უსაფრთხოების საშუალებები, მათ შორის ალიანსის ხელშეკრულებები და არცერთ სახელმწიფოს არ შეუძლია ევროპის რომელიმე ნაწილი განიხილოს თავის გავლენის სფეროდ
ჩვენი 3 ქვეყანა გააძლიერებს ჩვენს ერთობლივ მუშაობას უკრაინაში სტაბილურობის დასაცავად და გამძლეობის გასაძლიერებლად, აღმოსავლეთ ევროპის საზღვარზე დემოკრატიის გასაძლიერებლად.
ამ მიზნით, ჩვენ დღეს შევთანხმდით სამმხრივი თანამშრომლობის მემორანდუმის შემუშავებაზე. ეს გამოავლენს ჩვენს ერთგულებას შემდგომი გაძლიერების სტრატეგიული თანამშრომლობისა და ჩართულობის შესახებ ჩვენს 3 ქვეყანას შორის უკრაინის მხარდაჭერის უმაღლეს პრიორიტეტულ საკითხებზე.
ჩვენ ერთად ვიმუშავებთ ჩვენი თანამშრომლობის გასაუმჯობესებლად, რომელიც მოიცავს, მაგრამ არ შემოიფარგლება მხოლოდ ყირიმის საერთაშორისო პლატფორმის მხარდაჭერის კოორდინაციასთან, კიბერუსაფრთხოების, ენერგოუსაფრთხოების საკითხებში ჩვენი თანამშრომლობის გაზრდით და დეზინფორმაციის საწინააღმდეგოდ სტრატეგიული კომუნიკაციების გაძლიერებით“, – წერია განცხადებაში.
განცხადებაში ასევე აღნიშნულია, რომ ქვეყნები იმუშავებენ ყირიმის საერთაშორისო პლატფორმის მხარდაჭერის მიმართ კოორდინაციაზე, გარდა ამისა, კიბერუსაფრთხოების, ენერგოუსაფრთხოების და დეზინფორმაციის წინააღდეგ თანამშრომლობის გაზრდაზე.
“გაერთიანებული სამეფო და პოლონეთი გააგრძელებენ უკრაინის მხარდაჭერას, უკრაინის გვერდით დგომას რუსული აგრესიის ფონზე და სრულად მზად არიან დაუდგნენ უკრაინელ ერს მის ძალისხმევაში, რომელიც მიმართულია უკრაინის სუვერენიტეტის, დამოუკიდებლობისა და ტერიტორიული მთლიანობის დაცვისადმი მის საერთაშორისო დონეზე აღიარებულ საზღვრებში,” – აღნიშნულია განცხადებაში.
ცნობისთვის, გუშინ პოლონეთმა, ბრიტანეთმა და უკრაინამ ახალი ალიანსი ოფიციალურად დააფუძნეს.
[sexy_author_bio]
