საქართველოს ხელისუფლებამ სამხრეთ ოსეთის „დასაბრუნებელ“ ობიექტად აღქმა უნდა შეწყვიტოს, – ამის შესახებ ოკუპირებული ცხინვალის ე.წ. პრეზიდენტმა, ალან გაგლოევმა რუსულ მედიასთან ინტერვიუში განაცხადა.
„ჩვენი მხრიდან, ჩვენ ღიად ვაცხადებთ მზადყოფნას პრაგმატული დიალოგისთვის თანასწორ საფუძველზე. თუმცა, ასეთი დიალოგი შესაძლებელია მხოლოდ მაშინ, როდესაც ქართული პოლიტიკური ელიტა უარს იტყვის რევანშისტურ ილუზიებზე, აღიარებს წარსული აგრესიის პასუხისმგებლობას და შეწყვეტს სამხრეთ ოსეთის „დაბრუნების ობიექტად“ განხილვას“, – თქვა მან.
გაგლოევმა აღნიშნა, რომ სამხრეთ ოსეთი კვლავაც დაჟინებით მოითხოვს ძალის გამოუყენებლობის შესახებ შეთანხმების ხელმოწერის აუცილებლობას.
„ეს არის პოსტკონფლიქტური მოგვარების მთელი არქიტექტურის ერთ-ერთი მთავარი ელემენტი“. „თუმცა, საქართველოს პოზიციის შეცვლის გარეშე, ამ საკითხში გარღვევა ნაკლებად სავარაუდოა“, – დასძინა გაგლოევმა.
