„ყოველდღიურად ვიღებთ და განვიცდით უამრავ მტკივნეულ ამბავს. ომი გრძელდება, რუსული დაბომბვა ერთი დღეც არ წყდება. დღეს მიკოლაევზე რეგულარულად დარტყმები იყო – როგორც რაკეტების, ასევე საარტილერიო. ოკუპანტებმა კიდევ ერთხელ დაარტყეს ხარკოვს და სხვა რეგიონებს. არიან დაჭრილები და დაღუპულები. დონბასში თავდასხმის მცდელობები არ წყდება, იქ სიტუაცია არ იოლდება და დანაკარგები არ მცირდება. ეს უნდა გვახსოვდეს”,_ განაცხადა უკრაინის პრეზიდენტმა ვოლოდიმირ ზელენსკიმ.
მან აღნიშნა, რომ აუცილებელია გვახსოვდეს, რომ ასეთ პირობებშიც კი სახელმწიფო დგამს წინ – პარტნიორებთან თანამშრომლობით – ინსტიტუციურ განვითარებაში და, რა თქმა უნდა, ფრონტის ხაზზე.
„ოკუპანტებმა უკვე კარგად იგრძნეს რა არის თანამედროვე არტილერია. მათ იგრძნეს, რომ ჩვენი მზვერავი ოფიცრების ოპერაციები სამშობლოს დასაცავად ბევრად უფრო ძლიერია, ვიდრე მათი “სპეციალური ოპერაციები”. ჩვენ ვიცით მათი საუბრის მოსმენებიდან – ნამდვილად ეშინიათ ჩვენი შეიარაღებული ძალების, ასეთი ომის 139 დღე, თითქმის 20 კვირა… მსოფლიოს ე.წ. მეორე არმიას ეშინია უკრაინელების და შეუძლია რაღაცის გაკეთება მხოლოდ ძველი საბჭოთა იარაღის უძირო მარაგების საფუძველზე. მათ აღარ აქვთ სტრატეგიული ძალა, ხასიათი და იმის გაგება, თუ რას აკეთებენ აქ, ჩვენს მიწაზე. მათ ასევე არ აქვთ გამბედაობაც კი, რომ აღიარონ დამარცხება და გაიყვანონ ჯარები უკრაინის ტერიტორიიდან“, – განაცხადა ზელენსკიმ.
