ოზურგეთში მყოფმა ამირან გამყრელიძემ ფოლკლორის ცენტრის გამართული ღონისძიებების დასასრულს ჟურნალისტების კითხვებს უპასუხა. მან ვრცლად ისაუბრა ბუსტერის აუცილებლობაზე.
“ძალიან ბევრი კვლევით დადგინდა ის, რომ დაავადების ინფექციის გადატანა 5-6 თვე გრძელდება , იშვიათ შემთხვევებში შეიძლება მეტიც იყოს და აცრის შემდგომი პერიოდიც, ამიტომ ბუსტერი გახდა აუცილებელი. სავალდებულოდ არ გამოცხადებულა, მაგრამ ხდება აუცილებელი. ჩვენ კანონმდებლობით უკვე შემოვიღეთ ბუსტერი , დღევანდელი რიცხვით სადღაც 26 000-მდე ბუსტერია გაკეთებული ჩვენს ქვეყანაში და ეს თანდათან უფრო მეტი მომართვაა.
განსაკუთრებული მნიშვნელობა ბუსტერს ენიჭება დღეს, როცა გახდა ახალი შტამი ე. წ. ომიკრონი, რომელიც გაჩნდა აფრიკის ქვეყნებში, ვიცით ის, რომ ომიკრონი უფრო სწრაფად ვრცელდება, გადამდებლობა მეტი აქვს, უფრო ახალგაზრდა ასაკს აზიანებს, მაგრამ მეტი აგრესიულობა არა აქვს , ანუ უფრო რთულად არ მიდს დაავადება და სიკვდილიანობის მატება ამით არ არის.
გუშინ გამოქვეყნდა ინფორმაცია ფაიზერის, რომელმაც პირველმა ჩაატარა კვლევა ომიკრონის შტამთან ფაიზერის ვაქცინის დამცველუნარიანობასთან დაკავშირებით, თუ რამდენად ფაიზერის აცრის, განსაკუთრებით ბუსტერის გაკეთების შემდგომ გამომუშავებულ ანტისხეულებს აქვს მანეიტრალიზებელი თვისებები ამ ომიკრონის შტამთან დაკავშირებით და დაადასტურა დიახ , უნდა გაკეთდეს ბუსტერი .
ჩვენ საქართველოში ძირითადად ვიყენებთ სინოფარმის და ფაიზერის ბუსტერს , უფრო მეტია გაკეთებული ფაიზერი და ამიტომ ყველას მოვუწოდებ ვინც ორჯერ არის აცრილი , მესამე აცრა საჭირო არის,“ – აღნიშნა ამირან გამყრელიძემ.
მისივე თქმით ომიკრონის შტამი ამ დროისთვის საქართველოში არ დაფიქსირებულა.
