“გარდაიცვალა, მაგრამ არ მოკლეს”- დაურ ბუავას ყოფილი ცოლი

“გარდაიცვალა, მაგრამ არ მოკლეს! ექსპერტიზის ზუსტი შედეგები ჯერ არ არის ცნობილი! გთხოვთ, ნუ წერთ დაუფიქრებელ და უსაფუძვლო ვარაუდებს და ნუ ავრცელებთ დეზინფორმაციას. ადამიანებს ისედაც ძალიან უჭირთ ამ ყველაფრის მიღება – ნუ გავავრცელებთ ინფორმაციას, რომლის სიმართლეც ჯერ არ ვიცით……

ჩემი დილა შოკისმომგვრელი ამბებით იწყება. მე ამ გოგოს ვიცნობ და ზუსტად ვიცი, რომ დაურს მასთან არაფერი ჰქონია. ბოლო დროს მას ჯანმრთელობის მდგომარეობა ძალიან ცუდი ჰქონდა. ხან წნევა აწუხებდა, ხან ცხვირიდან სისხლი სდიოდა, ხშირად სტკიოდა თავი. ვეუბნებოდი, საავადმყოფოში წასულიყო და ჯანმრთელობა შეემოწმებინა, მაგრამ საკუთარ ჯანმრთელობას არ ამოწმებდა. დაურს გართობა უყვარდა, შეეძლო კლუბში ან ბარში წასვლა, მაგრამ ნარკომანი ის არასოდეს ყოფილა!…

დაურს ნამდვილი მეგობრები არ ჰყავდა და ყველაფერი, რაც ახლა, მისი გარდაცვალების შემდეგ ხდება, ამის დასტურია. მისი უახლოესი გარემოცვა ცდილობს, ამ ამბით საკუთარი თავის პიარი გაიკეთოს. ძალიან მწყდება გული, რომ დაური ამ ყველაფერს ვერასოდეს ნახავს. თუმცა, სიცოცხლეშიც ამბობდა, რომ იმ ადამიანებს არ ენდობოდა, ვისთან ერთადაც მუშაობდა…

ჩვენს შემთხვევაში მნიშვნელობა არ ჰქონდა, ერთად ვიყავით თუ არა. ჩვენ ყოველთვის მხარს ვუჭერდით ერთმანეთს. ეს არის ერთ-ერთი მიზეზი, რატომაც, ყველაფრის მიუხედავად, მისი ოჯახის წევრებთან კარგი ურთიერთობა მაქვს. მაგრამ აი, ის ადამიანები, ვისთანაც დაური მუშაობდა, რატომღაც ცდილობენ, რაღაცაში დამადანაშაულონ და ჩემს ზარებსაც კი არ პასუხობენ დღეს. მათ ზუსტად იციან, რომ დაური ყველაფერს მიყვებოდა. იქნებ ეშინიათ?

გარდაცვალებამდე ორი დღით ადრე დაურმა ძალიან ბევრი რამ მომიყვა. ზუსტად ვიცი, რას ფიქრობდა და ვინ რას აკეთებდა. მის გარემოცვას ძალიან ვურჩევ, ჩემთან უფრო ფრთხილად იყვნენ და ნუ ეცდებიან, რამე მე დამაბრალონ!”,_  წერს Telegram არხზე აფხაზი ბლოგერი დაურ ბუავას ყოფილი ცოლი ნინო ცხოვრებაძე.