ღალატი და ასტროლოგია

ვერძი

თქვენ მუდმივად იმყოფებით მძაფრი განცდების ძიებაში. მაშინაც კი, როდესაც უკვე გყავთ პარტნიორი. ხოლო ღალატს მოაქვს ისეთი შეგრძნება, რასაც ვერძი ეძებს. ეს არ ნიშნავს იმას, რომ როგორც კი დაუშვებს ვერძი თავში მსგავს აზრს, მაშინვე გავარდება საღალატოდ. არა. ის მხოლოდ მაშინ დაფიქრდება და მოიყვანს სისრულეში, როცა ურთიერთობაში ყველაფერი ისე კარგად არაა. თქვენსა და თქვენს პარტნიორს შორის უნდა იყოს ვნება, მაგრამ თქვენ გაქვთ კიდევ სხვა მოთხოვნილებები, რასაც უნდა აკმაყოფილებდეს მეორე ნახევარი და თუ ეს არ გამოსდის პარტნიორს, თქვენ აუცილებლად იპოვით მას სხვაში.

კურო

თქვენ საკმაოდ ერთგული ხართ ურთიერთობაში, იმ შემთხვევაში, თუ შეყვარებული ხართ ნამდვილად. თქვენთვის მნიშვნელოვანია სიყვარული. ამიტომ ხშირად ყველა თქვენი პარტნიორი გიყვარდებათ ყურებამდე და გრჩებათ განცდა, რომ იპოვეთ ნამდვილი სიყვარული. თქვენ ურთიერთობაში დებთ ყველაფერს და იმავეს ელოდებით თქვენი მეწყვილესგან. თუ თქვენი პარტნიორი არ გპასუხობთ იმავეთი, აი, ამ შემთხვევაში თქვენ შეიძლება უღალატოთ მას. შეიძლება გეჩვენებოდეთ, რომ სულაც არ ითხოვთ ძალიან ბევრს, მაგრამ ამავე დროს, არ გიყვართ არსებული პრობლემების განხილვა. ხშირად უფრო ადვილია მიიღოთ ღალატით ის სიყვარული, რაც ასე გჭირდებათ, ვიდრე პარტნიორს დაელაპარაკოთ არსებულ პრობლემებზე და ეცადოთ მის გამოსწორებას.

ტყუპები

ტყუპებს შეიძლება არ მოგეწონოთ ან გაგაოცოთ იმ ფაქტმა, რომ ერთ მშვენიერ დღეს, თავი ამოყავით მონოგამიურ ურთიერთობაში. თქვენ არ მიეკუთვნებით იმ ადამიანების ტიპაჟს, რომლებიც მთელი თავით ეშვებიან სერიოზულ ურთიერთობებში მანამ, სანამ სხვა ვარიანტებსაც არ განიხილავენ. სულ რომ ბედნიერი იყოთ ახლა, ეს სულ არაა იმისი გარანტია, რომ ბედნიერი იქნებით მომავალშიც. თუ ვილაპარაკებთ თქვენს გრძნობებზე, თქვენ ძალიან მალე გინელდებათ ინტერესი ახალი ადამიანის მიმართ და მაშინვე სხვაზე გადაერთვებით, რაც ხშირად ხდება უსიამოვნების მიზეზი. ასე რომ, თუ ღალატობთ პარტნიორს, მხოლოდ იმიტომ, რომ სხვა მოგეწონათ. იმდენად მონადირე ხართ ბუნებით, რომ უმალ მეგობართან ერთად ბარში წახვალთ ახალი თავგადასავლის განსაცდელად, ვიდრე პარტნიორთან ერთად უყურებთ სახლში წყნარად ,,სამეფო კარის თამაშებს“. თქვენ გეშინიათ გაუშვათ ხელიდან ახალი შესაძლებლობები. თქვენი სურვილები და მოთხოვნილებები მუდმივად იცვლება.

კირჩხიბი

ურთიერთობაში თქვენ გჭირდებათ ემოციური ბმა. როცა რომანტიკაზე საუბრისას ან ხუმრობებზე თქვენ ივსებით ემოციით, როცა მასზე ფიქრობთ, ესე იგი, თქვენ ნამდვილად შეყვარებული ხართ. თქვენ ეძებთ მეორე ნახევარს და გსურთ მუდმივად იგრძნოთ თავი მის გვერდით სასურველად. კიბოს ინტუიცია კარგად აქვს განვითარებული და ადვილად შეუძლია იგრძნოს, თუ რამე ისე ვერაა ურთიერთობაში. თუ ბოლომდე არ ხართ დარწმუნებული საკუთარ გრძნობებში, შეგიძლიათ ადვილად წახვიდეთ ღალატზე, რადგან ყველა კიბორჩხალა ფიქრობს, რომ როდესაც ურთიერთობა სწორია, თქვენით უნდა აღფრთოვანდნენ ამ დროს. მაგრამ ყოველთვის, როცა უღალატებთ პარტნიორს, აუცილებლად იგრძნობთ დანაშაულის განცდას და ამავე დროს, მაინც დაუწყებთ ისეთ ადამიანს ძებნას, რომელიც გაიძულებთ, რომ თავი კვლავ იგრძნოთ სავსედ. კიბოები არ არიან მიდრეკილნი ღალატისკენ,  მაგრამ თუ სასწორზე დევს თქვენი განცდა და ემოცია, მაშინ თქვენ დაუშვებთ გამონაკლისს.

ლომი

მაშინაც კი, როდესაც არ გიმართლებთ, როდესაც სირთულეები და კრიზისული პერიოდი გიდგათ ურთიერთობებში, ერთგული ხართ თქვენი პარტნიორის. არ არსებობს იმაზე მაგარი განცდა, ვიდრე იმის გააზრება, რომ თქვენი წყვილი ყველაფერს გადაიტანს და გაუმკლავდება. თვითონ სიტყვა ღალატი ლომისთვის არის ყველაზე დიდი შიში – დაკარგოთ მეორე ნახევარი და ამიტომ არასდროს იქცვით ისე, რომ მას მიაყენოთ ტკივილი. მას უღალატებთ მხოლოდ იმ შემთხვევაში, თუ მართლა შეგიყვარდათ სხვა. თქვენ გყავთ უახლოესი მეგობრების კომპანია, მაგრამ ამავდროულად, მოგწონთ, როცა ეცნობით ახალ მეგობრებს, მათთან შეგიძლიათ ფლირტის დროს ძალიან შორს, ღრმად შეტოპოთ. გგონიათ, რომ ეს უწყინარი ფლირტია, მაგრამ რეალურად ასე არაა. არსებობს დიდი შანსი, რომ თქვენ პარტნიორს უღალატოთ რომელიმე თქვენს მეგობართან.

ქალწული

თქვენ მეთოდიკური მიდგომა გაქვთ ურთიერთობებში. იცით, რომელი პარტნიორი გჭირდებათ. ამიტომ, როდესაც ხვდებით მას და იწყებთ მის გვერდით ცხოვრებას, მალევე გეგმავთ მის გვერდით დარჩენილი ცხოვრების გატარებასაც. თქვენ გჭირდებათ ადამიანი, რომელიც იმდენივე ძალისხმევას დებს ურთიერთობაში, რამდენსაც თქვენ. თუ ასე არაა, მაშინ არანაირ ურთიერთობაზე ლაპარაკი არ შეიძლება იყოს. თუ რამე გიბიძგებთ ღალატისკენ, თქვენ ყველანაირად ეცდებით, გაამართლოთ ეს ღალატი. გჭირდებათ ისეთი ოპტიმისტური ადამიანი, რომელიც თქვენს ურთიერთობაში ხედავს პერსპექტივას. თუ ის ასეთი არაა, ადრე თუ გვიან ის გაქრება თქვენი ცხოვრებიდან. ქალწულებს მუდმივად აქვთ „ბ“ გეგმა იმ შემთხვევაში, თუ მათი ურთიერთობა ისე არ წავიდა, როგორც მათ სურდათ. თქვენ ღალატობთ იმიტომ, რომ მიხვდეთ, რა გსურთ და არა იმიტომ, რომ გული ატკინოთ მეორე ნახევარს.

სასწორი

თქვენთვის მნიშვნელოვანია, რომ პარტნიორი ამავდროულად იყოს თქვენი საუკეთესო მეგობარი. გჭირდებათ ადამიანი, რომელიც დააბალანსებს თქვენს ცხოვრებას და დაგაჯერებთ, რომ სწორი არჩევანი გააკეთეთ. თქვენ ეძებთ ისეთ სიყვარულს, როგორიც ზღაპარშია. სიყვარულს, რომელიც დაგახვევთ თავბრუს. გსურთ, რომ შეგიყვაროთ ვინმემ ისეთი, როგორიც ხართ, ყველა თქვენი უარყოფითი თვისებით. ღალატსაც ასევე უდგებით. თუ თქვენი ბროლის ფეხსაცმელი არ მოერგო მეორე ნახევარს, ე.ი. საჭიროა მოძებნოთ ის, ვისაც კარგად ექნება, რადგან სასწორმა კარგად იცის, რომ ისეთი ადამიანის პოვნაში, როგორიც მას სურს იხილოს გვერდით, შეიძლება ბევრი დრო გავიდეს. ამიტომ მუდმივად ძიებაშია.

მორიელი

როდესაც იწყებთ ურთიერთობას, თავიდან ფეხებამდე იძირებით მასში და გსურთ, რომ მეორე ადამიანმაც იცოდეს ამის შესახებ. ურთიერთობაში ხართ ვნებიანი და ერთგული. ისეთი ერთგული, როგორც არავინ. რაც შეეხება ღალატს, საერთოდ არ გსურთ ამაზე ფიქრი. არ არსებობს იმაზე საშინელი ღალატი, ვიდრე პარტნიორის და თავად არასდროს იქნებით ინიციატორი ამისა, თუ მან არ გიბიძგათ. თქვენ გჭირდებათ დრამა, მაგრამ ისეთი, რომელიც არ მოგიტანთ სერიოზულ პრობლემებს ურთიერთობაში.

მშვილდოსანი

თქვენ ცდილობთ, თავი შორს დაიჭიროთ სერიოზული ურთიერთობისაგან, რადგან არასდროს ხართ მზად ამისთვის. არ არსებობს ზოდიაქოს ნიშანი, რომელიც თქვენზე უფრო ეწინააღმდეგებოდეს ურთიერთობებს, ვიდრე მშვილდოსანი. სამყარო ძალიან დიდია. მას აქვს უამრავი შემოთავაზება და რატომ უნდა გაჩერდე ერთზე? – აი, მშვილდოსნის დევიზი. ღალატი მხოლოდ თამაშია და არაფერს ნიშნავს. მშვილდოსანი არ ღალატობს იმიტომ, რომ ტკივილი მიაყენოს თავის პარტნიორს. მშვილდოსნები უპირატესობას ანიჭებენ ისეთ ურთიერთობებს, სადაც არ არის არანაირი ვალდებულება. თქვენ შეგიძლიათ უღალატოთ მას იმ შემთხვევაშიც კი, თუ შეატყობთ, რომ არსებული ურთიერთობა სერიოზულ საფეხურზე ადის ან სულაც უინტერესო ხდება. თქვენ გჭირდებათ მძაფრი შეგრძნებები და მუდმივად ახალი თავგადასავლები.

თხის რქა

მუდმივად ოცნებობთ იმ დღეზე, როდის შეხვდებით თქვენს მეორე ნახევარს. თქვენ ფიქრობთ, რომ ურთიერთობის დროს საჭიროა მეორე ადამიანზე ზრუნვა და პარტნიორის გაფრთხილება და როდესაც ხვდებით ისეთ ადამიანს, რომელთანაც მზად ხართ გაატაროთ მთელი ცხოვრება, ყველაფერს აკეთებთ, რომ ორივენი იყოთ ძალიან ბედნიერები. ურთიერთობაში ხართ ძალიან ფრთხილი, დიდხანს აკვირდებით, არ გინდათ, რომ დრო დახარჯოთ ისეთ ადამიანზე, რომელიც არ გაამართლებს მომავალში თქვენს გეგმებსა და იმედებს, რომელიც მალე გაგიტეხავთ გულს. ამიტომ აზრადაც არ უშვებთ მის ღალატს. და თუ მაინც უბედური იქნებით ურთიერთობაში, არ უღალატებთ, არამედ ეცდებით გაარკვიოთ, რა არის რეალური მიზეზი. ზოგადად, გირჩევნიათ იყოთ მარტო, ვიდრე ხვდებოდეთ ადამიანს, რომლის მიმართ აღარ გაქვთ გრძნობები.

მერწყული

ყოველთვის ასრულებთ პირობას. მუდამ რჩებით ერთგულნი პირველ რიგში საკუთარი თავისა, მუდამ ეხმარებით მეგობრებსა და ახლობლებს, როდესაც ისინი ითხოვენ ემოციურ თანადგომას და ასევე, თავადაც მაქსიმუმს იღებთ მათთან ურთიერთობაში. ყველაფერი, რაც გჭირდებათ სრული ბედნიერებისთვის, ესაა ღია და თავისუფალი, ლაღი ადამიანი. ისეთივე, როგორიც თავად ხართ, მიუხედავად იმისა, რომ იცით, რა რთულია იპოვო საუკეთესო მეგობარი და პარტნიორი ერთ ადამიანში, მაინც არ აკლებთ ცდას. არ მიესალმებით ღალატს, მაგრამ ხშირად დაფიქრებულხართ ამ თემაზე, ასეთი ფიქრები კი გიჩნდებათ მხოლოდ იმ შემთხვევაში, თუ ურთიერთობა ემსგვსება ისეთ მახეს, რომლიდანაც ვერ აღწევთ თავს. ამ დროს თქვენთვის მნიშვნელოვანია, იგრძნოთ თავი თვისუფალ ადამიანად. არ დაკარგოთ ინდივიდუალობა, ხოლო როგორც კი დაინახავთ, რომ ეს ურთიერთობა ძალიან სწრაფად ვითარდება და საკმაოდ სერიოზული ხდება, თქვენ შეიძლება უკან დახევის სურვილი გაგიჩნდეთ.

თევზები

როდესაც ეძებთ სიყვარულს, ირგვლივ ვერაფერს ამჩნევთ. იმდენად ძალიან გჭირდებათ სიყვარული, რომ მომენტალურად ხელს ჰკრავთ ნებისმიერს, რომელიც თქვენს წარმოსახვაში არსებულ იდეალს არ აკმაყოფილებს. იმის მაგივრად, რომ შეხვედრებზე იაროთ, გაერთოთ და გაიცნოთ ახალი ადამიანები, ამჯობინებთ იჯდეთ სახლში, რადგან ფიქრობთ, რომ ის ადამიანი არაა, ვინც გინდათ იხილოთ თქვენ გვერდით. ელოდებით, რომ გარშემომყოფები ოდესღაც დააკმაყოფილებენ თქვენს უდიდეს სტანდარტებს. როდესაც ასე არ ხდება, თქვენ ადანაშულებთ საკუთარ თავს მორიგ ფიასკოში. როდესაც ღალატობთ პარტნიორს, თავს არწმუნებთ, რომ სხვა გზა არ გქონდათ, მოგიწიათ, რამეთუ არავინაა თქვენი ღირსი, ვერ აკმაყოფილებს დაწესებულ მოლოდინს. ხშირად ღალატს იმითაც ამართლებთ, რომ გჭირდებათ ძველი იარების მოშუშება და თავი გსურთ დროებით მაინც იგრძნოთ საყვარელ და სასურველ ადამიანად. გახსოვდეთ, თევზებო, ნამდვილი სიყვარულის მოსვლას სჭირდება დრო და მოთმინება.