ქეთი ანთაძე-ტამინგას მიერ გერმანიიდან, მოწოდებული ინფორმაციით, საარჩევნო უბანთან გრძელი რიგი იყო ბერლინშიც.
ამომრჩეველი ნანა დარჩია, რომელსაც მადლობას ვუხდით ფოტოს მოწოდებისთვის ამბობს, რომ გრძელ რიგში მხოლოდ მცირეწლოვანი ბავშვებით მოსული ამომრჩეველი შედიოდა სწრაფად უბანზე _ სხვები მოთმინებით ელოდნენ რიგს.
დილის კადრების მერე, რომელიც ფრანკფურტის უბანზე ხმის მიცემას ასახავდა, ამომრჩეველთა რაოდენობა გაიზარდა და ამას ლიზი ტყემალაძის მიერ გადაღებული ვიდეოც ასახავს _ ვიდეო ქეთიმ მოგვაწოდა.
აქვე შევახსენებთ ემიგრანტებს, რომ საქართველოს საარჩევნო კოდექსით, იმის მიუხედავად, შესრულდება თუ არა რვა საათი, საუბნო საარჩევნო კომისია ვალდებულია, მოწესრიგებულ რიგში მდგარი, რვა საათამდე იქ მისული ამომრჩეველი მაინც მიიღოს და ხმის მიცემის პროცედურა არ შეწყვიტოს. ამიტომ, საჭირო იქნება, როგორმე ფოტო-ვიდეო გადაღებით, დაფიქსირდეს რვა საათამდე მისული ამომრჩევლების რიგი.
