„ქართული ოცნების“ შეცდომების სპექტრი ფართოა, კოჰაბიტაციის, საკადრო პოლიტიკის სისუსტის, ეკონომიკურ-სოციალური პრობლემების გარდა, ეს არის ერთ-ერთი უმნიშვნელოვანესი პრობლემა, რასაც თავად ბიძინა ივანიშვილმაც მიაქცია ყურადღება, არის კომუნიკაციის დარღვევა საზოგადოებასა და ხელისუფლებას შორის, რომლის შეცვლა ერთი ხელის მოსმით, თუ მთლიანად სტრუქტურა არ შეიცვალა, ძალიან გაჭირდება“,_აღნიშნა „გურია ნიუსთან“ საუბრისას ექსპერტმა კავკასიის საკითხებში მამუკა არეშიძემ.
მისივე თქმით,“ ბიძინა ივანიშვილის ბოლო გამოსვლებიდან კარგად გამოჩნდა, რომ ის ქვეყანაში განვითარებულ მოვლენების ადეკვატურად აფასებს.
შიდა სტრუქტურული თვალსაზრისით, პარტიის მთავარი მინუსი არის ის, რომ „ქართულ ოცნებაში“ პარტიული ვერტიკალი არ არსებობს. არქიტექტურული ხერხემალი პარტიის არ გააჩნია. ახალი არქიტექტურის შექმნას კი დრო და რაც მთავარია, ახალი ხალხი სჭირდება.
2020 წელი კარზეა მომდგარი. დღეს ხალხმა საკუთარი ძალა იგრძნო, დარწმუნდა იმაში, რომ კონსოლიდირებულად პოზიციის გამოხატვის შემთხვევაში, პოლიტიკურ ელიტას სხვა გამოსავალი არა აქვს, თუ არა ხალხთან კომუნიკაციის მძლავრი სისტემის შექმნა. თუ ივანიშვილს უნდა, რომ ხელისუფლებასა და საზოგადოებას შორის კომუნიკაციის მძლავრი სისტემა არსებობდეს, მძლავრი საკადრო ცვლილებები უნდა განახორციელოს“,_აღნიშნა არეშიძემ.
არეშიძე იზიარებს პოზიციას იმასთან დაკავშირებით, რომ „ძალა ერთობაშიას“ საპრეზიდენტო კანდიდატის, გრიგოლ ვაშაძის შესაძლო გამარჯვების შემთხვევაში, ქვეყნის განვითარება შეფერხდება.
„გამარჯვების შემთხვევაში, სალომე ხელისუფლებასთან ითანამშრომლებს. ვაშაძე კი მმართველ ძალას მუდმივად დაუპირისპირდება.
მუდმივი დაპირისპირების პირობებში, ქვეყნის განვითარება რომ შეფერხდება და დესტაბილიზაციის საფრთხე შეიქმნება ფაქტია. აქედან გამომდინარე, რომელი კანდიდატის გამარჯვება სჭირდება ქვეყანას, მითუმეტეს ისეთ ქვეყანას, რომელიც დემოკრატიის შენების პროცესშია, ნათელია.
მიხეილ სააკაშვილის ხასიათიდან გამომდინარე, არც არეულობას გამოვრიცხავ და არც რევოლუციის სურვილს. გიორგი მარგველაშვილისა და ხელისუფლების დაპირისპირება „კაბინეტურ“ სივრცეს არ ცნობდა. ვაშაძის გაპრეზიდენტების შემთხვევაში კი ნებისმიერ თემაზე საპროტესტო გამოსვლები დაიწყება. ვაშაძეს ჩვენი პარტნიორების თვალში მუდმივად ექნება ქართული რეალობის გაშავების მცდელობა. ეკონომიკური თუ უსაფრთხოების თვალსაზრისით, ისედაც მყიფე მდგომარეობაში ვიმყოფებით, წარმოიდგინეთ მუდმივი დაძაბულობა რა მდგომარეობაში ჩააგდებს ქვეყანას“,_აღნიშნა არეშიძემ.
