არა მგონია, წალენჯიხის მუნიციპალიტეტს რაიმე შესძინოს. ეს მისი გადასახედიდან პიარ-სვლაა, – ასე გამოეხმაურა საპარლამენტო უმრავლესობის წევრი, გურამ მაჭარაშვილი განაცხადა.
„არა მგონია, წალენჯიხის მუნიციპალიტეტს რაიმე შესძინოს. ეს მისი გადმოსახედიდან პიარსვლაა. ბუნებრივია, ეს არის მორიგი მცდელობა იმისა, რომ საზოგადოება შეცდომაში შეიყვანოს, რაც რა თქმა უნდა, არ გამოუვა. კიდევ ერთხელ გავიმეორებ, თუ შენ სურვილი გაქვს, ნებისმიერ რაიონსა და რეგიონში შეძლებ იმას, რომ შენი საქმე გააკეთო“, – განაცხადა მაჭარაშვილმა.
პარტია „ლელო საქართველოსთვის“ ლიდერმა, მამუკა ხაზარაძემ გუშინ გამართულ აქციაზე განაცხადა, რომ უახლოეს პერიოდში წალენჯიხაში ბინას იყიდის და იქ გადასახლდება, რათა ახალარჩეულ მერს გვერდით დაუდგეს და „წალენჯიხა ოაზისად აქციოს“. ამ მიზნით მან ბიზნესმენებსაც მოუწოდა, მათი კომპანიების ანგარიშები წალენჯიხაში გადაიტანონ და მოგება იქ დატოვონ.
ამასთან, ადგილობრივ ბიუჯეტში არა მოგების არამედ ქონების გადასახადი შედის.
