აჭარაში ნამყოფი იმ პედაგოგებიდან, რომლებსაც კორონავირუსზე ტესტირება ჩაუტარდათ, ინფექცია 8-ს დაუდასტურდა.
“ჩვენ დავიწყეთ აჭარიდან გამოსული პედაგოგების ტესტირება, 2237 ასეთი მასწავლებელი იყო, ვინც იმყოფებოდა ზაფხულში აჭარაში და დაექვემდებარა ტესტირებას”, _ ეს განცხადება დღეს გამართულ ბრიფინგზე დაავადებათა კონტროლის ეროვნული ცენტრის დირექტორმა ამირან გამყრელიძე გააკეთა.
მისივე თქმით, გაკეთებული ტესტირებიდან 8-ს დაუდასტურდა ინფექცია. მათ შორის 7 გურიაში და 1 სამეგრელო-ზემო სვანეთში.
