“და აი, დადგა ის ნანატრი წუთებიც. დღეიდან საშუალება გაქვთ შეიძინოთ უგემრიელესი ალუჩა. ცნობისთვის, ალუჩა მრავალწლოვანი ხეხილოვანი მცენარეა, რომელიც უამრავ ვიტამინს შეიცავს. გუდვილი – ცხოვრება გემრიელია!” – ამ პოსტს ფეისბუქის გევრდზე ჰიპერმარკეტი ,,გუდვილი“ ავრცელებს, რომელსაც სოციალური ქსელის მომხმარებლების უკმაყოფილება მოჰყვა.
ამის მიზეზი კი ხილის ფასია. როგორც ირკვევა, ალუჩა 100 გრამიანი შეფუთვით იყიდება და ფასი 10.90 ლარია. როგორც ჰიპერმარკეტის გვერდის ადმინისტრატორი აღნიშნავს, ალუჩა ჰოლანდიიდან არის იმპორტირებული. ხილი “გუდვილის” ყველა ფილიალში იყიდება.
,,ამას სირცხვილით არც უნდა აქვეყნებდეთ თქვენს გვერდზე, სამარცხვინოა ეს ფასი და თქვენს მენეჯმენტს ეს უნდა ესმოდეს. სირცხვილია დიდი ასეთი ფასის დადება 8 ცალ ალუჩაზე“ – წერს კომენტარში სოციალური ქსელის ერთ-ერთი მომხმარებელი.
