ჰონგ კონგში ცნობილი მცურავი რესტორანი Jumbo ჩაიძირა. მცურავი საკულტო რესტორანი, იმ ნავსადგურიდან გასვლის შემდეგ ჩაიძირა, სადაც თითქმის 50 წელი გაატარა. – ამის შესახებ BBC წერს.
რესტორნის მფლობელი კომპანიის განცხადებით, ჰონგ კონგის ერთ-ერთი გამორჩეული სიმბოლო ტერიტორიის შეცვლის მიზნით, სამხრეთ ჩინეთის ზღვაში მოძრაობდა, შემდეგ კი კონსტრუქცია გადაყირავდა და ჩაიძირა.
Aberdeen Restaurant Enterprises-მა განაცხადა, რომ “ძალიან დამწუხრებულია ინციდენტის გამო”, მაგრამ შემთხვევის შედეგად, ეკიპაჟის არცერთი წევრი არ დაშავებულა.
გავრცელებული ინფორმაციით, ინციდენტის ადგილზე წყლის სიღრმე 1000 მეტრს აღემატება, რაც სამაშველო ოპერაციებს შეუძლებელს ხდიდა.
მგზავრობის წინ მცურავი რესტორნის შესამოწმებლად საზღვაო ინჟინრები დაიქირავეს და “ყველა შესაბამისი ნებართვა” იქნა მიღებული, აცხადებენ მფლობელები.
აღსანიშნავია, რომ კორონავირუსის პანდემიის გამო, რესტორანი 2020 წლის მარტიდან აღარ ფუნქციონირებდა.
როგორც BBC წერს, რესტორანს 3 მილიონზე მეტი სტუმარი სტუმრობდა და მის კანტონურ სამზარეულოს წლების განმავლობაში მიირთმევდა, მათ შორის, დედოფალი, ტომ კრუზი და რიჩარდ ბრენსონი. თუმცა, პანდემიამ ბიზნესს საბედისწერო დარტყმა მიაყენა. მიუხედავად იმისა, რომ პანდემია რესტორნის ბოლო წვეთი იყო, მას წლების განმავლობაში ფინანსური პრობლემები ჰქონდა.
ის რამდენიმე ფილმში იყო წარმოდგენილი – მათ შორის ჯეიმს ბონდში.
ავტორი
