,,მოუთმენლად ველი ნატოს მინისტერიალზე საქართველოსა და უკრაინის საგარეო საქმეთა მინისტრებთან შეხვედრას“ – ამის შესახებ ნატოს გენერალურმა მდივანმა, იენს სტოლტენბერგმა განაცხადა.
მისი თქმით, საქართველო და უკრაინა ახლო და უაღრესად ღირებული პარტნიორები არიან, რომლებიც ნატოს წევრობისკენ მიისწრაფვიან.
„ნატო მხარს უჭერს საქართველოსა და უკრაინას, როგორც პოლიტიკურად, ასევე პრაქტიკული თვალსაზრისით“- აღნიშნა ნატოს გენერალურმა მდივანმა.
ასევე გენერალურმა მდივანმა განაცხადა, რომ ნატო ხედავს შავი ზღვის რეგიონში დაძაბულობას ასევე ნატო ხედავს, რუსთის აგრესიულ ქმედებას, აქედან გამომდინარე საქართველოსთვის და უკრაინისთვის მთავარია რეფორმებზე ფოკუსირება
„საქართველო და უკრაინა ნატოს უაღრესად ღირებული პარტნიორები არიან. ჩვენ მჭიდროდ ვმუშაობთ საქართველოსა და უკრაინასთან ერთად. ჩვენი თანამშრომლობა ფართოვდება. მივესალმებით საქართველოსა და უკრაინის მიერ ნატოში შეტანილ წვლილს. ნატო მხარს უჭერს ამ ქვეყნებს. მინისტერიალის ფარგლებში, შავი ზღვის რეგიონში უსაფრთხოების სიტუაციას განვიხილავთ. ჩვენ ვხედავთ დაძაბულობას შავი ზღვის რეგიონში. ვხედავთ რუსეთის აგრესიულ ქმედებებს უკრაინის წინააღმდეგ. ასევე გავამახვილებთ ყურადღებას რეფორმების ძალისხმევაზე. საქართველოსა და უკრაინისთვის მნიშვნელოვანია რეფორმებზე ფოკუსირება. ეს მნიშვნელოვანია ნატოსთან დაახლოების კუთხით. გარდა ამისა, ეს რეფორმები ღირებულია, რადგან უკრაინასა და საქართველოს ძლიერს ხდის.
მოუთმენლად ველი ნატოს მინისტერიალზე საქართველოსა და უკრაინის საგარეო საქმეთა მინისტრებთან შეხვედრას“ – განაცხადა იენს სტოლტენბერგმა.
ცნობისთვის, ნატოს მინისტერიალი საგარეო საქმეთა მინისტრების დონეზე ლატვიის დედაქალაქ რიგაში 30 ნოემბერს გაიმართება. ნატომ, უკრაინისა და საქართველოს საგარეო საქმეთა მინისტრები ალიანსის მინისტერიალზე მიიწვია.
[sexy_author_bio]
