,,რუსეთის ძალების არანაირი გასვლა არ გვინახავს და პირიქით, რუსეთს ამ მიმართულებით დამატებით სამხედროები გადმოჰყავს.“ – ამის შესახებ ნატოს გენერალურმა მდივანმა, იენს სტოლტენბერგმ მედიასთან ბრიუსელში განაცხადა, სადაც თავდაცვის მინისტერიალი დაიწყო.
NATO-ს გენერალური მდივნის თქმით, ტანკების გადაადგილების ჩვენება არაა ჯარების გასვლის დამადასტურებელი საბუთი.
“რუსეთის ძალების არანაირი გასვლა არ გვინახავს. და რა თქმა უნდა, ეს წინააღმდეგობაში მოდის დიპლომატიური მცდელობის მესიჯებთან. რასაც ვხედავთ არის, რომ მათ გაზარდეს სამხედროების რიცხვი და მეტი ჯარისკაცი გზაშია. ჯერჯერობით, დეესკალაცია არაა.
თუ ისინი მართლა დაიწყებენ ჯარების გაყვანას, ეს ისაა, რასაც მივესალმებით. მათ ძალები მუდამ გადაჰყავდათ წინ და უკან, მხოლოდ ძალების, ტანკების გადაადგილების დანახვა არ ადასტურებს ჯარების რეალურ გაყვანას”, –განაცხადა NATO – ს გენერალურმა მდივანმა.
ცნობისთვის, გუშინ, 15 თებერვალს, რუსეთის თავდაცვის სამინისტრომ გაავრცელა ინფორმაცია, რომ სამხედრო წვრთნების დასრულებასთან მიახლოების პარალელურად რუსეთის სამხედრო ნაწილები მუდმივ დისლოკაციებზე დასაბრუნებლად ემზადებიან.
რუსეთის თავდაცვის სამინისტრომ დღეს, 16 თებერვალს განაცხადა, რომ სამხრეთ სამხედრო ოლქის ქვედანაყოფებმა ყირიმში სამხედრო წვრთნები დაასრულეს და მუდმივი დისლოკაციის პუნქტებში ბრუნდებიან.
[sexy_author_bio]
