ილჰამ ალიევი – აზერბაიჯანული გაზის, საქართველოს გავლით, ევროპაში მიწოდება რამდენიმე თვეში დაიწყება

ილჰამ ალიევის განცხადებით, აზერბაიჯანული გაზის, საქართველოს გავლით, ევროპაში მიწოდება რამდენიმე თვეში დაიწყება. ამის შესახებ ინფორმაციას nangs.org ავრცელებს.

მისივე თქმით, ეს არის ძალიან მნიშვნელოვანი და ისტორიული მოვლენა.

,,ჩვენ ძირითადი ყურადღება ახლა მიმართულია სამხრეთის გაზის დერეფნის დასრულებაზე. ეს პროექტი, ასევე წარმატებულად  ხორციელდება. უკვე სრულდება მისი მეოთხე და ბოლო პროექტი – TAP. მიმაჩნია, რომ რამდენიმე თვეში აზერბაიჯანის ინიციატივით და ფართომასშტაბური  საერთაშორისო  თანამშრომლობის შედეგად, სრულად დასრულდება ერთმანეთთან დაკავშირებული სამი გაზსადენის მშენებლობა, რომელთა სიგრძე 3 500 კილომეტრია და აზებაიჯანული გაზის მიწოდება უკვე  მოხდება ევროპულ სივრცეში. ამგვარად, სამხრეთის გაზის  დერეფანი სრულად შევა ექსპლუატაციაში. ჩვენთვის ეს ძალიან მნიშვნელოვანი და ისტორიულია მოვლენაა, რადგან ის ,,შაჰდენიზის“ საბადო სრულად ამუშავების შესაძლებლობას უზრნველყოფს“, – განაცხადა ალიევმა.

აზერბაიჯანის პრეზიდენტმა, ასევე აღნიშნა, რომ ,,შაჰდენიზის“ საბადო სულ მცირე კიდევ 100 წლის განმავლობაში მოამარაგებს ბუნებრივი აირით აზერბაიჯანსა და მის პარტნიორ ქვეყნებს.

,,ამავე დროს, ჩვენ ვაპირებთ ექსპორტის გეოგრაფიის გაფართოებას.  ,,შაჰდენიზის“ საბადოდან ბუნებრივი აირის მიწოდება მოხდა საქართველოში, თურქეთში, ბულგარეთში, საბერძნეთსა და იატალიაში. თუ ალბანეთში გაჩნდება ბუნებრივი აირის ქსელი, ალბანეთიც გახდება ჩვენი ბუნებრივი პარტნიორი და ჩვენ გაზის ექსპორტს იქაც შევძლებთ. აზერბაიჯანული გაზის მიწოდება შესაძლებელია სხვა მეზობელ ქვეყნებშიც-ბალკანეთის რეგიონის სახელმწიფოებში“,-განაცხადა აზერბაიჯანის პრეზიდენტმა.