ფეხბურთში, ჯემალ ხერხაძის სახელობის თასზე U-10 2012 წელში დაბადებულ ვაჟთა შორის იმერეთის 2022 წლის ღია ჩემპიონატის პირველი წრე სამტრედიის “სამტრედიას” გამარჯვებით დასრულდა.
სულ ათი ტური ჩატარდა. სამტრედიამ პირველ ტურში ქუთაისის ,, ტორპედო -2011″, ანგარიშით, 5:1 დაამარცხა, მეორე ტურში ხაშურის ,,ივერია-1″- ს 3:7 მოუგო, მესამე ტურში ხაშურის ,,ივერია-2″ 9:0 დაამარცხა, მეოთხე ტურში ქუთაისის ,, ტორპედო” სანტრედიასთან ანგარიშით 1:5 დამარცხდა. მეხუთე ტურში სამტრედია ცაგერის ,,ხვამლს” შეხვდა და ანგარიშით 10:2 მოიგო.
მეექვსე ტურში ზესტაფონის ,, მარგვეთი -2006″- სს 0:5 ანგარიშით მოუგო. მეშვიდე ტური ვანის ,,სულორთან” გამართა და მოწინააღმდეგე 4:2 დაამარცხა. მერვე ტურში სამტრედიამ წყალტუბოს ,,სამგურალს” 1:5 მოუგო, მეცხრე ტურში ქუთაისის ,,სერვალი” 3:0 ანგარიშით დაამარცხა. მეათე ტურში სამტრედიამ ქუთაისის ,, მართვესთან” გამარჯვება, 2:3 იზეიმა. ამდენად, სამტრედიის ,,სამტრედიამ” ათივე თამაში მოიგო და პირველი წრის გამარჯვებულის ტიტული მოიპოვა. გუნდის მწვრთნელმა, ლერი მეგენეიშვილმა ნორჩი ფეხბურთელები დღეს ზანდოს ზმინდა გიორგის სახელობის მამათა მონასტერში წაიყვანა, სადაც აიტანეს ჯვარი და გამარჯვების აღსანიშნავად ეკლესიას შესწირეს. ზანდოს წმინდა გიორგის სახელობის მამათა მონასტრის წინამძღვარმა, ბერ- მონაზონმა იოაკინ მელქაძემ სამტრედიელი ფეხბურთელები აზიარა და სწორედ იმ ჯვრით დალოცა, ასევე წარმატებული ბიჭები დილის ლოცვაში მოიხსენია, _ ,,გურია ნიუსს” ამ ინფორმაციით დაუკავშირდა ერთ-ერთი ფეხბურთელის მშობელი:
“სამტრედიელმა ნორჩმა ფეხბურთელებმა ნამდვილი გმირობა გამოიჩინეს. მწვრთნელის, ლერი მეგენეიშვილის დიდი დამსახურებით ათი ღირსეული, წაუგებელი ტური ჩაატარეს და სამტრედია ასახელეს. რაც შეეხება დღევანდელ დღეს, ძალიან ლამაზი დღე გამოვიდა. ზანდოს წმინდა გიორგის სახელობის მამათა მონასტერში უდიდესი სულიერი სიმშვიდე და სიამოვნება მივიღეთ. მადლობა, ჩვენს წარმატებულ შვილებს და მათ სასახელო მწვრთნელს იმ ბედნიერებისათვის, რაც მათ იმერეთის 2022 წლის ღია ჩემპიონატის პირველი წრის გამარჯვებით განგვაცდევინეს”, _ გვითხრა ლუკა ბასკანჩალაძის დედამ, მედეა ხარებავამ.
ავტორი
