“ჩვენ მზად ვართ გადავტვირთოთ ურთიერთობები და სუფთა ფურცლიდან დავიწყოთ თუ ტრამპის ადმინისტრაცია დაამარცხებს „დიფ სთეითს“, – თქვა “ქართული ოცნების” პარლამენტარმა ირაკლი ზარქუამ გადაცემაში „იმედი LIVE“.
„ტრამპის ის მესიჯები, რაც იქ ითქვა, ზუსტად იგივე მესიჯებს წალენჯიხაში ჩემს ამომრჩეველს ვუყვებოდი. ეს იყო ჩვენი წინასაარჩევნო კამპანია. ჩემს მოქალაქეებს ვეუბნებოდი, რომ ოჯახური ღირებულებები არის უწინარესი. რომ სქესი არსებობს ორი. რომ სახელმწიფო ინტერესები არის უწინარესი. ეს არის ჩვენი რელიგია, ეკლესია, მართლმადიდებლობა, ტრადიციები, ადათ-წესების პატივისცემა. მაგრამ გაგვაოცა ტრამპმა. კიდევ უფრო შორს წავიდა და დაამატა, რომ ამ უსამშობლოებს „ენჯეოშნიკებს“ შეუწყვიტა დაფინანსება.
ეს ერთი და მეორე, რომ დაგვცინოდნენ „გლობალური ომის პარტია“ „დიფ სთეითი დაარქვა“ ჩრდილოვანი კაბინეტი, ზუსტად იმავეს ებრძვის ტრამპიც“, – განაცხადა ირაკლი ზარქუამ.
მისი თქმით, ტრამპმა უკვე დაიწყო „დიფ სთეითთან“ ბრძოლა და იმ ადამიანებთან, ვისაც სხვა ქვეყნების დაჩაგვრა სურდა.
„ჩვენი პრობლემა რა იყო, რაზე გვაწვებოდნენ, გინდა თუ არა მეორე ფრონტი გაგვეხსნა. ჩვენ ამას ხელი არ მოვაწერეთ და სიცოცხლეები გადავარჩინეთ და ჩვენი ქვეყანა გადავარჩინეთ“, – თქვა ზარქუამ „იმედი LIVE“-ში.
