აზიური მავნებელის, ფაროსანას მრავაწლიანი შემოტევა დასავლეთ საქართველოში, განსაკუთრებით გურიაში, წელს, ყველაზე მეტად თვალში საცემია. რაც უფრო ცხელი თუ თბილი ამინდები ჩაენაცვლა ერთმანეთს, გამრავლების მეტი შანსი გაჩნდა, – ამბობებ სეს-ის გურიის რეგიონულ სამსახურში.
მიუხედავად იმისა, რომ ასე თუ ისე ტარდება საწინააღმდეგო ღონისიებები, ეს საკმარისი არაა და ხელისუფლებამ, შესაბამისმა სამსახურებმა რაიმე უნდა იღონონ. ავსებულია ყველაფერი, შედიან სახლებში, ნებისმიერ ნაგებობაში, სათავსოები, ფუღუროებში…ვერ ავუდივართ დაჭერას და განადგურებას, _ ამბობენ გურიის მცხოვრებლები.
_პირველად რომ გამოჩნდა და ერთი წლის მანძილზე რომ ამბავი იყო, იმაზე უარესი მდგომარეობაა ახლა. სახლში შემოსულს ვუმკლავდებით , ქილებში ჩასხმულ საპნიან წყალში ვყრით ან სახელდახელოდ მომზადებული საჭერებით დავდევთ. თეთრი, თბილი ქსოვილის მავთულებზე გაფენაც კარგია, ორ ფენად. უცებ გროვდებიან შიგ. თუმცა, ამას ყველა არ აკეთებს და, ასე ვეღარ მოვუგებთ ამ საშინელ მავნებელს ომს. ხალხის უმეტესობა შეწამვლის წინაარმდეგია გაზაფხულზე. ყველა ხელისშემშლელმა მიზეზმა მოიყარა თავი და აი, შედეგიც, _ გვეუბნებიან ადგილობრივი მაცხოვრებლები: ირმა სურგულაძე, ციური ბაბილოძე, მარიამ ღლონტი და სხვები.
„გურია ნიუსი“ აჭარა-გურიის აზიურ ფაროსანასთან ბრძოლის შტაბის ხელმძღვანელს, ირაკლი გოთუას დაუკავშირდა:
_ახლა მავნებელის მიგრაციაა, ტყიდან გამოდის, არ შია, არ წყურია და ეძებს თავსესაფარს. ჩვენ არ ვჩერდებით. წამლობის ღონისძიებებს ვატარებთ. როგორს ცივი შესხურების, ასევე თერმული ნისლით დამუშაბვებას ღამის პერიოდშიც ვახდენთ. გეტყვით იმასაც, რომ იმ სოფლებში ,სადაც ხალხი დაგვეთანხმა შეწამვლაზე, სამჯერ ნაკლებია ფაროსანა. გაზაფხულზე და ზაფხულის დასაწყისში ხალხი ვერ ხედავს მავნებელს. შეწამვლის წინააღმდეგი არიან, ბაღ-ბოსტნები გვიფუჭდებაო და აი, შედეგიც, – ამბობს ირაკლი გოთუა.
დღეის მდგომარეობით, გურიაში, უჩვეულოდ თბილი ამინდების ფონზე, უმძიმესი სურათია ფარაოსანას შემოსევის მხრივ.
_პირველად რომ გამოჩნდა საქართველოში ეს საშინელი მავნებელი, იმაზე უარესი მდგომარეობაა ახლა, ამ რაოდენობით არასდროს გვინახვას. ორი-სამი წლის წინ, აშკარა კლება იყო. ახლა საშინელი მდგომარეობაა. განსაკუთრებული სპეციალური ზომების მიღებაა საჭირო, _ ამბობენ ადგილობრივი მოსახლეობის წარმომადგენლები.
ვრცლად ამ თემაზე, „გურია ნიუსი“ მალე შემოგთავაზებთ სტატიას.
ავტორი
