სამტრედიაში წუხელ ღამით გაჩენილ ხანძარს და ყოფილი ,,ატეესის” შენობის დაწვას საზოგადოებაში აქტიური გამოხმაურებები მოჰყვა.
სამტრედიელები საკუთარი ფეისბუქის გვერდზე ემოციურ პოსტებს აქვეყნებენ და აფასებენ მომხდარ ფაქტს. სამტრედიელების ჯგუფში თენგიზ ჩხეიძე წერს:
,,გუშინ სამტრედიის ძველი ატეესის შენობა დაიწვა. რავა ყველაფერს წვავენ, რა დარჩათ კიდევ დასაწვავი.”
,,გურია ნიუსს” ახლახანს დაუკავშირდა სამტრედიის პირველი საჯარო სკოლის ქართული ენისა და ლიტერატურის პედაგოგი, ეკატერინე შვანგირაძე და თავისი ემოციები გაგვიზიარა. გვითხრა, რომ ამ შენობაში მისი მამა მუშაობდა. აქვს განცდა შენობის დაწვასთან ერთად მისი ბავშვობის ბედნიერი მოგონებები დაიწვა.
“ისტორია განადგურდა, ვწუხვარ,მამა მუშაობდა მაქ,ბავშვობის საუკეთესო მოგონებები დამიწვეს, ასე მგონია ისტორიას არ ანადგურებს გონიერი ერი, რომ მიეხედათ ამ პირველი სატელეგრაფო შენობისთვის, დაეკონსერვებინათ არქიტექრორული ღურებულების შენობა, აღედგინათ და თანამედროვე ინტერნეტკომპანიები განეთავსებინათ, ეს იქნებოდა გონივრული. კომუნისტური საქართველოს შენობები არ გვინდა,თორემ აზროვნებით,მართვის სისტემით კიდევ იქ ვართ.მამაჩემი შოთა შვანგირაძე თავის თანამშრომლებთან ერთად ერთგულად პროფესიონალურად ემსახურებოდნენ იმ ეპოქას,რომელშიც ცხოვრობდნენ,ისინი ხომ დღეს ვერ იცხოვრებდნენ,ჩვენ მათი ღვაწლის არდაფასებით,იმავეს ვასწავლით მომავალ თაობას და ბუმერანგივით დაგვიბრუნდება.ნუ ვწვავთ,ვანგრევთ კომუნუსტურ ნაგებობებს,კომუნისტური მენტალობა აღმოვფხვრათ თავისუფალი სახელმწიფოს ყველა სტრუქტურაში და ეს თითოეული ჩვენგანიდან უნდა დავიწყოთ!”
სამტრედიაში დღეს ისიც გაიხსენეს, რომ გადმოცემის თანახმად შენობა ვინმე თავადის კუთვნილება იყო, რომელიც კომუნისტების მოსვლის შემდეგ მფლობელს ჩამოართვეს და კავშირგაბმულობას გადასცეს.
[sexy_author_bio]
