ჩინეთმა მსოფლიო ჯანდაცვის ორგანიზაციისგან (who) სპეციალური სერტიფიკატი მიიღო, რომლის თანახმადაც მალარიისგან თავისუფალი ქვეყნის სტატუსი მიენიჭა, _ ამის შესახებ ინფორმაცია ჯანმოს ვებგვერდზე გამოქვეყნდა.
ჯანმოს გენერალურმა დირექტორმა ტედროს გებრეისუსმა აღნიშნა, რომ ჩინეთმა მალარიის ვირუსთან ბრძოლაში წარმატებას მძიმე შრომის შედეგად მიაღწია.
„დღეს, ჩვენ ჩინეთის ხალხს ვულოცავთ მალარიისგან განთავისუფლებას. ამ აღიარებით, ჩინეთი მიუერთდა იმ ქვეყნების რიცხვს, რომლებიც ახდენენ დემონსტრირებას, რომ მათი მომავალი მალარიისგან თავისუფალია.
მათ წარმატება მძიმედ მოიპოვეს, მხოლოდ ათწლეულების განმავლობაში მიზანმიმართული და მდგრადი მოქმედების შემდეგ მიიპოვეს. ჩინეთი უერთდება იმ ქვეყნების მზარდ რაოდენობას, რომლებიც მსოფლიოს აჩვენებენ, რომ მალარიისგან თავისუფალი მომავალი სიცოცხლის მიზანია”, _ განაცხადა ჯანმოს გენერალურმა დირექტორმა.
ჯანმოს მონაცემებით, ბოლო 30 წლის განმავლობაში ჩინეთი წყნარი ოკეანის აღმოსავლეთში პირველი ქვეყანაა, რომელმაც მსგავსი სერტიფიკატი მიიღო.
მალარიისგან თავისუფალი ქვეყნის სერტიფიკატი, ჯანმოს მონაცემებით მსოფლიოს 40 ქვეყანა ფლობს. მალარიისგან თავისუფალი ქვეყნის სტატუსი 2021 წელს სალვადორს, 2019 წელს არგენტინას, 2018 წელს პარაგვაის, უზბეკეთს 2018 წელს მიენიჭა.
ავტორი: მერაბ ცაავა
