ოზურგეთის ცენტრალურ პარკში და თეატრის წინ, დაწყებულია საქართველოს დამოუკიდებლობის დღის, 26 მაისისადმი მიძღვნილი საზეიმო ღონისძიებათა ციკლი.
11 საათზე სოფელ ჯუმათში ფიცის დადების ცერემონია შედგა.
შემდეგ, ოზურგეთში საკათედრო ტაძრის პარკში, ეროვნული გმირის, ზაზა დამენიას საფლავი გვირგვინით შეამკეს.
თეატრის მოედანზე თავდაცვის ძალების სამხედრო ტექნიკის, შეიარაღებისა და აღჭურვილობის გამოფენაა, რასაც ყველაზე დიდი სიყვარულით და ინტერესით ბავშვები, ჩვენი მომავალი თაობა ათვალიერებს.
7 წლის დემეტრე ახალაძე სხვადასხვა სამხედრო იარაღს ხელში ატრიალებს, მამას და სამხედროებს დახმარებას თხოვს. უხარია, რომ ასე ახლოს და ხელშესახებად ნახა ტექნიკა. 5 წლის ნიკოლოზ ურუშაძე კი დამოუკიდებლობის დღეს ულოცავს ყველას.
ძმები ზაქრაძეები, 3 წლის ანდრია, 6 წლის ლუკა და 7 წლის რეზი სამხედრო იარაღს უკირკიტებენ.
_ჩვენ სამი ძმა ზაქრაძეები ვართ, ანდრია, რეზი და ლუკა. ჩვენი ბაბუა, რეზო ზაქრაძე საქართველოს ყველა ომში იბრძოდა. ჩვენ წავალთ ჯარში და თუ საჭირო იქნება, ვიბრძოლებთ, _ ამბობენ ისინი.
დაწყებულია ადგილობრივ მეწარმეთა პროდიქციის გამოფენა-გაყიდვა. ღონისძიება საქართველოს მთავრობის ადმინისტრაციის და ღვინის ეროვნული სააგენტოს მხარდაჭერით ტარდება.
ავტორი
