ამერიკელმა სენატორებმა, სენატის საგარეო ურთიერთობათა კომიტეტის თავმჯდომარემ ჯიმ რიშმა და კომიტეტის წევრმა ჯინ შაჰინმა გასულ კვირას „საქართველოს ანგარიშვალდებულების, გამძლეობისა და დამოუკიდებლობის ასაშენებლად საქართველოს შესაძლებლობების მობილიზებისა და გაძლიერების აქტი”, MEGOBARI Act-ი წარადგინეს, – ინფორმაციას სენატის საგარეო ურთიერთობათა კომიტეტი ავრცელებს.
„ეს ორპარტიული კანონმდებლობა მხარს უჭერს ქართველ ხალხს, რადგან მათი მთავრობა აგრძელებს ძალადობრივ თავდასხმებს მშვიდობიანი მომიტინგეებზე და კიდევ ერთხელ ადასტურებს აშშ-ის მხარდაჭერას საქართველოს ევროატლანტიკური ინტეგრაციის მიმართ“, – აღნიშნულია ინფორმაციაში.
„საქართველოს მეგობრები მთელი მსოფლიოდან შოკირებული და შეძრწუნებულნი იყვნენ ხელისუფლების ავტორიტარიზმში გადაშვებითა და პროდემოკრატიული დემონსტრანტების ძალადობრივი დარბევის გამო,” – განაცახდა რიშმა.
სენატის საგარეო ურთიერთობათა კომიტეტის წევრის, ჯინ შაჰინის თქმით, შეერთებულმა შტატებმა უნდა გააძლიეროს ქართველი ხალხის მხარდაჭერა, რომლებმაც მფაფიოდ აჩვენეს თავისი ევროატლანტიკური მისწრაფებები.
„მოხარული ვარ, რომ ხელახლა წარვადგინე ეს ორპარტიული, ორპალატიანი კანონპროექტი თავმჯდომარე რიშთან ერთად, რათა მხარი დავუჭიროთ ქართველ ხალხს “ქართული ოცნების” მთავრობის მიერ კონსტიტუციური დარღვევებისა და მშვიდობიანი მომიტინგეების მიმართ ძალადობის ფონზე. ქართველმა ხალხმა ნათლად აჩვენა თავისი ევროატლანტიკური მისწრაფებები და შეერთებულმა შტატებმა უნდა გააგრძელოს მათი მხარდაჭერა “ქართული ოცნების” მცდელობების წინააღმდეგ, მოშალოს დემოკრატიული ინსტიტუტები. მაშინ, როდესაც რუსეთი ცდილობს ძირი გამოუთხაროს დემოკრატიებს მთელ რეგიონში, ჩვენ ზურგს ვერ შევაქცევთ მთავარ პარტნიორს, რომელიც თავისუფალი და დემოკრატიული მომავლისკენ მიისწრაფვის“, აცხადებს სენატორი შაჰინი.
MEGOBARI აქტი მოიცავს:
_ აშშ-საქართველოს ურთიერთობის სრული განხილვას, ყველა დახმარების პროგრამის ჩათვლით,
_ ქართველი ხალხის მხარდაჭერა ქვეყნის კონსტიტუციით გათვალისწინებული ვალდებულების მიმართ ევროატლანტიკური გაწევრიანების პროცესებში,
_ მოსთხოვოს პრეზიდენტს სანქციების დაწესება „ქართული ოცნების“ ჩინოვნიკების მიმართ, რომლებიც საქართველოს ევროატლანტიკური ინტეგრაციის შეფერხებას, საქართველოს სუვერენიტეტის და ტერიტორიული მთლიანობის შერყევას ცდილობენ ან ჩაერთნენ სხვა კორუფციულ ქმედებებში, რომლებიც საზიანოა საქართველოში სტაბილურობისთვის.
_ ხალხთა შორის კავშირების გაძლიერება და თავდაცვის სფეროში თანამშრომლობა, როდესაც საქართველო საკუთარ კონსტიტუციურ მოთხოვნებს გადაასწორებს,
_მხარდაჭერის გამოხატვა საქართველოს სრული სუვერენიტეტისა და ტერიტორიული მთლიანობისადმი რუსული ოკუპაციის გაგრძელების და უკანონო ოკუპაციის პირობებში.
_ სამოქალაქო საზოგადოების მხარდაჭერა, რომელიც მუშაობდა ქართველი ხალხის და საქართველოს კონსტიტუციის “ქართული ოცნების” ხელისუფლების ბოროტად გამოყენებისგან დასაცავად.
