მსახიობმა კახა კინწურაშვილმა ტელეკომპანია “იმედთან” თანამშრომლობა შეწყვიტა. ინფორმაციას მედიაჩეკერი ავრცელებს და მსახიობთან ინტერვიუს აქვეყნებს.
ინტერვიუში კინწურაშვილი აღნიშნავს, რომ იმედი 1 კვირის წინ დატოვა, ხოლო ე.წ. “აგენტების შესახებ” კანონპროექტი ბოლო წვეთი იყო, რის გამოც გადაწყვეტილება მიიღო.
კახა კინწურაშვილი: არხს ვეტყოდი, რომ დღეს, ხალხთან ერთად დგომა და ქვეყნის ინტერესებისთვის დგომა ბევრად მნიშვნელოვანია და ჩვენ არ უნდა დავკარგოთ მომავალი, რწმენა, და უნდა ვირწმუნოთ, რომ ამდენი ტანჯვა, რაც გამოიარა თავისუფლებისა და განვითარებისთვის მებრძოლმა ქვეყანამ, გამარჯვებად ღირდა. შესაბამისად, ვინც ამას ბოლომდე არ გაიზიარებს, თავისი გზა აქვს.
რაც შეეხება მაყურებელს, თუ აინტერესებს ჩემი პოზიცია, ის ასეთია: დღეს იმის არგაზიარება, რომ შეიძლება დავკარგოთ მომავალი, არის საკუთარი თავის, შვილების, თანამოქალაქეებისა და ქვეყნის ღალატი.
ცნობისთვის, კინწურაშვილი, 10 წელზე მეტია, არხის ერთ-ერთი სახეა და “დილის შოუ” და “ცეკვავენ ვარსკვლავები” მიჰყავდა.
ვრცლად ინტერვიუ შეგიძლიათ წაიკითხოთ აქ.
