7-14 წელი
რა შეიძლება და რა სჭირდებათ ამ ასაკის ბავშვებს? პასუხი მარტივია: ყველაფერი, და რაც შეიძლება ბევრი! ცილები, ცხიმები, ნახშირწყლები ნებისმიერი თანამიმდევრობით, მძიმე ხორციანი კერძები რეკომენდებულია გვიან საღამოს. ამდაგვარად ბავშვები ავარჯიშებენ საჭმლის მომნელებელ სისტემას, გარდა ამისა ღამით მიღებული ცილოვანი საკვები ხელს უწყობს სრულფასოვან ძილს.
14-21 წელი
მოზარდის ასაკი და ჩამოყალიბების პერიოდი, როცა ორგანიზმს აწვება უდიდესი დატვირთვა: ჰორმონალური გარდატეხა, ემოციური ცვალებადობა. ბავშვი ყალიბდება ზრდასრულ ადამიანად, ინგრევა ქცევის ყველა წესი და მათთან ერთად ჩვეული კვების წესები: დიეტა ხდება განცალკევებული (ცილები – საკვების ერთი მიღების დროს, ნახშირწყლები – მეორე).
21-42 წელი
სამი შვილოსნობის ციკლი, როცა ქალისთვის განსაკუთრებით მნიშვნელოვანია იზრუნოს სისხლის ჯანმრთელობაზე. ჩინურ მედიცინაში სისხლი – ცალკეული ორგანოა, რომელსაც გადააქვს ენერგია. თუ ის სუსტდება (კერძოდ, ეს ხდება რეგულარული უხვი მენსტრუალური სისხლდენის დროს) და არ იკვებება საჭირო პროდუქტებით, შესაძლებელია განვითარდეს ანემია და არ არის გამორიცხული შეექმნას სირთულეები რეპროდუქციულ ფუნქციასთან.
რომელი პროდუქტებია სასარგებლო სისხლისთვის? წითელი ხორცი და საქონლის ღვიძლი, ნიგოზი, წყალმცენარეები და ზღვის პროდუქტები, კვერცხი, სეზონური წითელი კენკრა, ნაირნაირი თესლი (წიწიბურა, კინოა, სელი, სეზამი და ა.შ.) და, რა თქმა უნდა, ბოსტნეული. მოკლედ, გოგონას მენიუ, რომელსაც სურს გააჩინოს ჯანმრთელი ბავშვები, ჩინური მედიცინის მიხედვით, უნდა იყოს მრავალფეროვანი და არანაირად არ უნდა იყოს ვეგეტარიანული.
42 და ყველაზე ხანდაზმულ ასაკამდე
ჩინური ტრადიციის მიხედვით, 42 წლისთვის ქალს უკვე გადაწყვეტილი აქვს შვილოსნობასთან დაკავშირებული ყველა საკითხი, ამიტომ დიეტა შეიძლება შეიცვალოს. თანამედროვე სამყაროში ქალს შეუძლია უფრო გვიანაც დაფეხმძიმდეს, ამ შემთხვევაში დიეტის შეცვლა უნდა გადაიდოს.
ამ ასაკში ჯანმრთელობისა და სილამაზის შესანარჩუნებლად ჩინური მედიცინა გვირჩევს შიმშილობის შემოღებას: განტვირთვის დღეები, ან ნახევარდღიანი შიმშილობა, ან შიმშილობა დღე-ღამის განმავლობაში. წლების მატებასთან ერთად ადვილდება დიეტაც: ულუფები მცირდება, შიმშილის დღეები იზრდება – ჩინელი მედიკოსების აზრით ეს ხელს უწყობს სიცოცხლის გახანგრძლივებას. მაგრამ კიდევ ერთხელ შეგახსენებთ, რომ ეს ვარიანტი, როგორც ყველა ზემოაღწერილი, უხდება მხოლოდ სრულიად ჯანმრთელ ადამიანებს. თუ არსებობს რაიმე გადახრები, კვება უნდა იყოს კორექტირებული ექიმის მიერ.
