კანადის ვიცე-პრემიერისა და ფინანსთა მინიტრის, კრისტია ფრილენდის განცხადებით, კანადა რუსული ალუმინისა და ფოლადის პროდუქტების იმპორტს აკრძალავს. ინფორმაცია კანადის მთავრობის ოფიციალურ ვებგვერდზე გამოქვეყნდა.
,,სპეციალური ეკონომიკური ზომების (რუსეთი) რეგულაციების მარეგულირებელი ცვლილებებით, ყველა რუსული ალუმინის პროდუქტის, როგორიცაა დაუმუშავებელი ალუმინის, ალუმინის ფურცლების და მზა პროდუქტების, კონტეინერებისა და ალუმინისგან დამზადებული სხვა საყოფაცხოვრებო ნივთების, იმპორტი აკრძალულია. ასევე აკრძალულია რუსული ფოლადის ყველა ძირითადი პროდუქტი, მათ შორის რკინა და არალეგირებული ფოლადი, ნახევარფაბრიკატები და მზა პროდუქტები, როგორიცაა მილები,“ – ნათქვამია განცხადებაში.
ეს აკრძალვა კიდევ უფრო აკრძალავს რუსეთს შემოსავლების გამომუშავების შესაძლებლობას, რომელიც მას უკრაინის წინააღმდეგ ომისთვის სჭირდება. კანადა აგრძელებს მუშაობას თავის პარტნიორებთან და მოკავშირეებთან ერთად, რათა რუსეთს პასუხისმგებლობა დაეკისროს.
“უკრაინას შეუძლია და უნდა მოიგოს ეს ომი. ჩვენ ვაგრძელებთ ყველაფერს, რაც შეგვიძლია, რათა შევაჩეროთ ან შევზღუდოთ პუტინის უკრაინაში უკანონო და ბარბაროსული შეჭრის დასაფინანსებლად გამოყენებული შემოსავლები. კანადამ და ჩვენმა პარტნიორებმა უკვე დაუწესეს სანქციები რუსეთის ცენტრალურ ბანკს, ახლა კი გარანტიას გაძლევთ, რომ პუტინი კანადაში ალუმინისა და ფოლადის გაყიდვით თავის უკანონო ომს ვერ დააფინანსებს”, – წერს ფრილენდი.
კრისტია ფრილენდი Twitter-ზე წერს, რომ “კანადა ყველაფერს ეცდება, რომ კრემლს შემოსავლები ჩამოერთვას”.
ავტორი
