პარტია “ლელო საქართველოსთვის” წევრი, ჩოხატაურის მერობის ყოფილი კანდიდატი მალხაზ ჩხიკვაძე სოციალურ ქსელში მუნიციპალიტეტის მერს დავით შარაშიძეს მიმართავს და ბიუჯეტის პროექტში არსებული შეცდომის შესახებ მიუთითებს. ჩხიკვაძე აქვე, საკრებულოს თავმჯდომარეს, ირაკლი კუჭავასაც მიმართავს, რომ არც მას “აწყენდა, საკრებულოსთვის გადაგზავნილი ბიუჯეტის პროექტის “ყურადღებით წაკითხვა, რადგან ამ შემთხვევაში, ჩხიკვაძისვე თქმით, კუჭავა ლაფსუსს იოლად აღმოაჩენდა.“მიმართვა ჩოხატაურის მერს!მოგმართავთ თქვენ, რადგან როგორც თვითმმართველობის კანონში წერია თქვენ ხართ ჩოხატაურის მუნიციპალიტეტის უმაღლესი თანამდებობის პირი (თვითმმართველობის კოდექსი მუხლი 48, პუნქტი 1);მოგმართავთ თქვენ, რადგან როგორც კანონი ითვალისწინებს, მერი ანგარიშვალდებულია მუნიციპალიტეტის საკრებულოს და მოსახლეობის წინაშე (მუხლი 48, პუნქტი 2);მოგმართავთ თქვენ, რადგან იმავე კანონის მიხედვით მერის თავისი უფლებამოსილების ფარგლებში „შეიმუშავებს და მუნიციპალიტეტის საკრებულოს დასამტკიცებლად წარუდგენს მუნიციპალიტეტის ბიუჯეტისა და ბიუჯეტში შესატანი ცვლილების პროექტებს“ (მუხლი 54, პუნქტი 1, ქვეპუნქტი გ.ა);ასეთი ვრცელი შესავალის შემდეგ მინდა ერთი პატარა შენიშვნით შემოვიფარგლო ჯერ.
17 დეკემბერს ჩოხატაურის საკრებულომ მიიღო დადგენილება „ჩოხატაურის მუნიციპალიტეტის 2022 წლის ბიუჯეტის შესახებ“ ჩოხატაურის მუნიციპალიტეტის საკრებულოს დადგენილების გამოსაცემად ადმინისტარციული წარმოების დაწყების თაობაზე.კარგი იქნებოდა, რომ ბიუჯეტის პროექტი საკრებულოსთვის გადასაგზავნად ხელმოწერამდე მაინც ყურადღებით წაგეკითხათ.ინფორმაციისათვის მოგახსენებთ, რომ საფეხბურთო კლუბმა „ბახმაროს“ 2021 წელს პირველი წრის შემდეგ საკმაოდ რთული ამოცანა ჰქონდა გადასაჭრელი – შეენარჩუნებია ადგილი საქართველოს მე-3 ლიგაში, რაც წარმატებით მოახერხა და მე-3 ლიგაში, დიახ მე-3 ლიგაში გავიდა მე-8 ადგილზე. თქვენს მიერ ხელმოწერილ 2022 წლის ბიუჯეტის პროექტში კი ვკითხულობთ შემდეგს: „საფეხბურთო კლუბი ბახმარო დაქვეითთა მე-4 ლიგაში.
გუნდის მიზანია კვლავ დაბრუნება მე-3 ლიგაში.“ (ჩოხატაურის მუნიციპალიტეტის 2022 წლის ბიუჯეტი, თავი II. ჩოხატაურის მუნიციპალიტეტის ბიუჯეტის პრიორიტეტები, პროგრამები, ქვეპროგრამები. მუხლი 19. კულტურა, რელიგია ახალგაზრდული და სპორტული ღონისძიებები; ქვეპროგრამის აღწერა და მიზანი) შესაბამისად მოსალოდნელ შედეგებშიც მე-3 ლიგაში დაბრუნებაა განსაზღვრული. არადა გუნდი 2021 წელს მთელი სეზონი მე-3 ლიგაში თამაშობდა.იმედიან ძალიან არ გადაგღალეთ კითხვით, კარგი იქნება თუ გაითვალისწინებთ შენიშვნას და სანამ რაიმე დოკუმენტს ხელს მოაწერთ წაიკითხავთ, ეს თქვენთვის იქნება კარგი და ბევრ უხერხულობას აგაშორებთ თავიდან…. ბოლოსდაბოლოს თქვენ ხომ ჩემი მუნიციპალიტეტის უმაღლესი თამადებობის პირად ითვლებით.
P.S. Irakli Kuchava ყურადღებით წაკითხვა არც თქვენ გაწყენდათ…. რომ წაგეკითხათ იოლად აღმოაჩენდით ამ ლაფსუსს…“, _ წერს ჩხიკვაძე, რასაც იქვე, სოციალურ ქსელშივე პასუხობს მუნიციპალიტეტის მერი._ ტექნიკური ხასიათის შეცდომა იყო რაც ბიუროს სხდომაზევე გამოსწორდა, მადლობა რომ ასე გულდასმით ადევნებთ თვალს მუნიციპალიტეტის სიახლეებს, წინ ბევრი საინტერესო პროექტი გველოდება, მათ შორის საფეხბურთო კლუბშიც, _ აკომენტარებს მალხაზ ჩხიკვაძის პოსტზე დავით შარაშიძე, თუმცა ჩხიკვაძე პასუხით არ კმაყოფილზედა და ჩოხატაურის მერსა და “ლელოს” წარმომადგენელს შორის პოლემიკა იქვე გრძელდება._ ბიუროს სხდომაზე რომ გამოსწორებულიყო, მაშინ საკრებულოს სხდომაზე ამ სახით არ იქნებოდა მიწოდებული და საკრებულოს მიერ მიღებული, რის შემდეგაც ზუსტად მაგ სახით აიტვირთა ჩოხატაურის მუნიციპალიტეტის ვებ გვერდზე…
P.S. მადლობა პასუხისათვის… იმედია, მომავალშიც არ დამზარდებით პასუხის გაცემაზე.
_ პირიქით, მზად ვარ თანამშრომლობისთვის.
_ მისასალმებელია თქვენი მზადყოფნა თანამშრომლობისათვის. სხვა შენიშვნები ცოტა მოგვიანებით იქნება… იმედია, მათაც წაიკითხავთ და მიპასუხებთ… ოღონდ პასუხებში ისეთივე ლაფსუსი არ გაგეპაროთ, რაც ამ შემთვევაში მოხდა. იმედია, ეს შეცდომა საკრებულოს სხდომაზე გასწორდება, რაც არაა რთული… გაცილებით რთული სხვა პრობლემების გამოსწორება იქნება…. თუმცა, ამაზე მოგვიანებით….
_ პრობლემების გამოსასწორებლად და მოსაგვარებლად აგვირჩია ხალხმა, ბატონო მალხაზ!!! რაზეც თქვენ საუბრობთ ტექნიკური ხარვეზი იყო. რაც მოგვარებულია, მაშინვე მოგვარდა.
_ დოკუმენტი შესწორების გარეშე იქნა გატანილი და მიღებული საკრებულოს სხდომაზე. მის მისაღებად ადმინისტრაციული წარმოებაა დაიწყებული. ეს შეცდომა იოლად გამოსწორებადია და დარწმუნებული ვარ, რომ გამოსწორდება კიდეც….. არ ივარგებს შეცდომაში გაჯიუტება… შეცდომის გასწორების სურვილი რომ მაქვს, იმიტომაც მოგმართეთ, თორემ დაველოდებოდი მიღებას და მერე დავწერდი იმავეს… მოგვარებული რომ იყოს, ბატონო მერო, ამ სახით არ იქნებოდა ატვირთული მუნიციპალიტეტის ვებგვერდზე. იხილეთ ბმული, _ წერს, მალხაზ ჩხიკვაძე.
