ის, რაც გუშინ ვნახე იყო ქართველი ხალხის პროევროპული არჩევანის ძალიან დიდი, ღირსეული და მშვიდობიანი მანიფესტაცია. კანონიერი და მშვიდობიანი ფორმის შენარჩუნება ყოველთვის არსებითი მნიშვნელობისაა, – ამის შესახებ საქართველოში ევროკავშირის ელჩმა, კარლ ჰარცელმა განაცხადა.
„გუშინ მოვისმინე მრავალი რიგითი ქართველის სიტყვა, რომელთაც სურთ რომ საქართველომ გამოიყენოს მომენტი და შესაძლებლობები, რომელიც ევროკავშირის მხრიდან მიეცათ. ასევე, იმის სურვილი, რომ საქართველომ თავის ევროპულ დღის წესრიგში რეალურად წინ გადადგას ნაბიჯები. გავიხსენებ, იმას რაც კომისიამ თქვა გასულ პარასკევს, ეს არის ევროპული პერსპექტივის მიცემა უკრაინის, მოლდოვასა და საქართველოსთვის. ეს არის მკაფიო თანხმობა ევროკომისიისგან, რომ საქართველოს აქვს პოტენციალი გახდეს ევროკავშირის მომავალი წევრი. ბატონმა შარლ მიშელმა, ასევე გააკეთა კომენტარი, რომ ახლა დროა ვაღიაროთ უკრაინის, საქართველოს და მოლდოვას მომავალი ევროკავშირში. ეს ძალიან ძლიერი გზავნილებია. სხვა მხრივ კი გზავნილი მკაფიოა, საქართველოს ევროპული ბედი საქართველოს ხელშია“, – განაცხადა ჰარცელმა.
