ხანძარმა იაპონიაში შურის ციხესიმაგრის მთავარი ნაგებობები გაანადგურა. მომხდარის შესახებ ინფორმაციას BBC ავრცელებს
მეხანძრეები იუნესკოს მსოფლიო მემკვიდრეობის ნუსხაში შესულ ციხესიმაგრეში გაჩენილი ხანძრის ჩაქრობას რამდენიმე საათის განმავლობაში ცდილობდნენ.
კუნძულ ოკინავაზე მდებარე შურის ციხესიმაგრე 500 წლის წინ რიუკუს დინასტიის დროს არის აგებული. 1933 წლიდან მას იაპონიის ეროვნული განძის სტატუსი აქვს. ციხე მეორე მსოფლიო ომის დროს სრულად განადგურდა და ნაგებობა, რომელიც ამჟამად ხანძარმა გაანადგურა რეკონსტრუქციას წარმოადგენდა.
ხანძრის გამომწვევი მიზეზი ამ დროისთვის უცნობია.
