11 ივლისს გამთენიისას რუსული სარაკეტო დარტყმის შედეგად ხარკოვის ცენტრალურ ნაწილში ექვსსართულიანი საცხოვრებელი კორპუსი ნაწილობრივ განადგურდა. ამის შესახებ საგანგებო სიტუაციების სახელმწიფო სამსახურზე დაყრდნობით იტყობინება Ukrinform.
შემთხვევის ადგილზე სამძებრო-სამაშველო სამუშაოები მიმდინარეობს.
ცნობილია, რომ ნანგრევებიდან მოხუცი ქალი გამოიყვანეს.
აღნიშნულია, რომ რაიონში საჰაერო იერიშის სირენა 00:23 საათზე გაისმა. პირველი აფეთქება 3:32 წუთზე მოხდა, სულ სამი აფეთქება დაფიქსირდა. საჰაერო განგაში 4:46 საათზე დასრულდა.
