,,რამდენიმე წუთის წინ, პირდაპირ “კგბ-ს” მეთოდებით ადამიანი გამოიყვანეს, შეაცვლევინეს ჩვენება“ – ამის შესხებ “ნაციონალური მოძრაობის” ერთ-ერთმა ლიდერმა, ხატია დეკანოიძემ ჟურნალისტებთან საუბრისას განაცხადა.
დეკანოიძე თქმით, ექიმი ჟურნალისტების წინაშე აკეთებდა იმ განცხადებას, რომელიც უკარნახა სუს-მა.
ოპოზიციონერმა პოლიტიკოსმა, ასევე აღნიშნა, რომ მიხეილ სააკაშვილის მკურნალი ექიმი გორის სამხედრო ჰოსპიტალთან, ჟურნალისტებთან განცხადებას სუს-ის უშუალო მეთვალყურეობის ქვეშ აკეთებდა.
“რამდენიმე წუთის წინ, პირდაპირ “კგბ-ს” მეთოდებით ადამიანი გამოიყვანეს, შეაცვლევინეს ჩვენება. მე მხედველობაში მყავს მთავარი ექიმი, ქალბატონი გოგორიშვილი, რომელმაც ნიკა გვარამიას განუცხადა ის, რაც განუცხადა, და მიუხედავად ამის, დღეს ჩვენს თვალწინ, ყველას თვალწინ, მთავარ ექიმთან და სუს-თან ერთად ეს ადამიანი იმყოფებოდა აქ, თქვენს წინაშე და აკეთებდა იმ განცხადებას, რომელიც მას უკარნახა სუს-მა და უკარნახა პენიტენციურმა სამსახურმა. მიუხედავად ამისა, მან მაინც განაცხადა, რომ მიხეილ სააკაშვილის რეაბილიტაცია არის შესაძლებელი მხოლოდ და მხოლოდ თავისუფლებაზე. მე დანამდვილებით შემიძლია გითხრათ, რომ ამ ადამიანის განცხადების გაკეთების დროს, მის გვერდით იდგნენ პენიტენციური სისტემისა და სუს-ის თანამშრომლები, რომლებიც მუდმივად მეთვალყურეობენ მიხეილ სააკაშვილს”– განაცხადა ხატია დეკანოიძემ.
,,ნაციონალური მოძრაობის“ ერთ-ერთმა ლიდერმა, ხატია დეკანოიძემ მიმართა სახალხო დამცველს, არასამთავრობო ორგანიზაციებს და ყველა ექიმს, რომელიც მიხეილ სააკაშვილის მკურნალობის პროცესში იყო ჩართული, დაინტერესდნენ მიხეილ სააკაშვილის ჯანმრთელობის მდგომარეობით.
ასევე დეკანოიძემ მოითხოვა, დაუყონებლივ დაიწყოს სისხლის სამართლის გამოძიება ექიმზე ფსიქოლოგიური ზეწოლის მიმართულებით.
ცნობისთვის, გორის სამხედრო ჰოსპიტალის ექიმა, ნინო გოგორიშვილმა განაცხადა, რომ მესამე პრეზიდენტის ადვოკატმა შეცდომაში შეყვანაში დაადანაშაულ, რომ ნიკა გვარამიამ კითხვებზე ხელი მოაწერინა.
