საქართველოს ფოლკლორის ცენტრის გუნდს ახალი წევრი შეემატა – ეთნომუსიკოლოგი და ხელოვნებათმცოდნეობის დოქტორი ნანა მჟავანაძე.
ის საერთაშორისო ურთიერთობების მიმართულებას უხელმძღვანელებს.
აღნიშნული სამსახური მიზნად ისახავს ქართული ტრადიციული ხელოვნების პოპულარიზაციას საერთაშორისო დონეზე, საზღვარგარეთის აკადემიურ და კულტურულ ორგანიზაციებთან თანამშრომლობასა და გაცვლითი პროექტების განხორციელებას. აგრეთვე, ქართველი აუდიტორიისათვის მსოფლიო კულტურული მემკვიდრეობის გაცნობას, მოწვეული ექსპერტებისა და შემსრულებლების მიერ მასტერკლასებისა და კონცერტების მეშვეობით.
ამჟამად ქალბატონი ნანა ჩართულია საერთაშორისო კვლევით პროექტში, რომელშიც რამდენიმე ქვეყნის ტრადიციული მუსიკის სპეციალისტები მონაწილეობენ.
ნანა მჟავანაძე, მრავალი წელია უდიდეს მუშაობას ეწევა ქართული ტრადიციული გალობის აღდგენის საქმეში. გამუდებით პოპულარიზაციას უწევს ქართულ ტრადიციულ მუსიკას საზღვარგარეთ და მოყვარული გუნდებისა და უნივერსიტეტების მიწვევით, ატარებს ქართული სიმღერის მასტერკლასებსა და პრეზენტაციებს ევროპასა და აშშ-ში.
2015-2019 წლებში, პროფესორ ფრანკ შერბაუმთან ერთად მონაწილეობდა კვლევით პროექტებში, რომელთა მიზანს ქართული ტადიციული მუსიკის ინოვაციური მეთოდებით დოკუმენტირება და მათი კომპიუტერული ანალიზი წარმოადგენს.
ეს და კიდევ უამრავი საქმეა ნაკეთები ამ უნიჭიერესი მუსიკოსის მიერ, რომლის მოსვლა საქართველოს ფოლკლორის ცენტრში და ზოგადად სამშობლოში დაბრუნება, ნიშნავს ქართული უძირო ფოლკლორის, მუსიკალური ფოლკლორის განვითარების და პოპულარიზაციის საქმეს, ხელოვნებაზე უსაზღვროდ შეყვარებული, პროფესიონალი ქალბატონი გაუწევს!
სიხარულით ვულოცავთ ქალბატონ ნანას და ჩვეულ წარმატებებს ვუსურვებთ!
ავტორი
