გუშინ, „ნაპოლის“ ოფიციალურმა ვებგვერდმა სამწუხარო ინფორმაცია გაავრცელა. აღმოჩნდა რომ ხვიჩა კვარაცხელიას მცირე ტრავმა აქვს, რის გამოც „ინტერის“ წინააღმდეგ მისი თამაში საეჭვოა.
ქართველმა შემტევმა გუშინ გუნდთან ვერ ივარჯიშა. ხვიჩამ მხოლოდ ინდივიდუალურად ივარჯიშა, სპორტდარბაზში. ამ ეტაპზე მისი თამაში გამორიცხული არაა, მაგრამ კითხვის ნიშნის ქვეშაა. კვარამ დაზიანება ორი დღის წინ, ვარჯიშზე მიიღო.
„ნაპოლისა“ და „ინტერის“ მატჩი 21 მაისს, „სტადიო მარადონაზე“ გაიმართება. საინტერესოა რომ მას დიდი ალბათობით თავდამსხმელი ვიქტორ ოსიმენიც გამოტოვებს, რომელიც გაციებულია.
თურქული მედიის მტკიცებით, სტამბოლის „ფენერბაჰჩეს” შემტევი ნახევარმცველი არდა გულერი „ნაპოლიში“ გადასვლასთან ახლოსაა.
იტალიელებს 18 წლის ფეხბურთელი ძალიან მოსწონთ და კარგა ხანია აკვირდებიან. გულერის ტრანსფერი პრაქტიკულად გადაწყვეტილია და შეიძლება ერთი კვირის განმავლობაში ყველაფერი გაოფიციალურდეს.
თურქული მედიის ინფორმაციით, „ნაპოლი“ 18 წლის მოთამაშეში 50 მილიონ ევროს იხდის.
არდა გულერმა მიმდინარე სეზონში ყველა ტურნირზე 31 მატჩში 6 გოლი გაიტანა და 5 საგოლე პასი გააკეთა.
„Tyc Sport“-ის ცნობით, ფრანგული „პსჟ“ მზად არიან კილიან მბაპე შეინარჩუნოს და ამისთვის მაღალი დონის შემტევი შეიძინონ. „პსჟ“ მხოლოდ 100 მილიონ ევროს ერთი ფორვარდის შესაძენად გამოყოფს.
ფრანგულ კლუბში სამი ვარიანტი ჰყავთ – ჰარი კეინი, ვიქტორ ოსიმენი და რანდალ კოლო მუანი. სპორტული დირექტორი ლუიშ კამპოსი ამ საკითხზე უკვე მუშაობს. თუმცა, ოსიმენის შემთხვევაში ცნობილია, რომ აურელიო დე ლაურენტისი უფრო მეტს ითხოვს, ამიტომ, „პსჟ“ თუ აქცენტის ნიგერიელზე გაკეთებას გადაწყვეტს, უფრო მეტი თანხის გაღებაც მოუწევს.
ვიქტორ ოსიმენს ასევე აქტიურად უკავშირებენ ლონდონის „ჩელსის“, მანამდე კი „მანჩესტერ იუნაიტედის“ ინტერესის შესახებაც იწერებოდა.
„ნაპოლის“ პრეზიდენტმა აურელიო დე ლაურენტისმა პრესკონფერენცია ჩაატარა და რამდენიმე საინტერესო საკითხზე ისაუბრა. ძირითადი კი ის გახლდათ, რომ მომდევნო სეზონისათვის კლუბი კვლავ იტალიაში მოემზადება.
„პირველ რიგში აქ ვართ იმისთვის, რომ წარვადგინოთ მომდევნო სეზონისთვის შეკრების ადგილი, სხვა თემის შესახებ თუ შემეკითხებით, ავდგები და წავალ, ამის გაკეთება კი არ მინდა, რადგან პატივს გცემთ თქვენ და ჩემს სტუმრებს. „ინტერთან“ მატჩი გვაქვს და მომდევნო დღეებში ფეხბურთზე ბევრს ვისაუბრებთ. ნება მომეცით მადლობა გადავუხადო მერეტს, რომელსაც უსამართლოდ აკრიტიკებდნენ, ჩვენ მას ყოველთვის მხარს ვუჭერდით და განსაკუთრებული სეზონი ჰქონდა.
წინა წელს ბევრი მიწვევა მივიღეთ ტურნეში წასასვლელად, გვთავაზობდნენ ფულს და ფრენებს, მაგრამ ამაზე უარი ვთქვი და აქ მოვიწვიე უცხოური გუნდები. ტურნეში როცა მიდიხარ, ვარჯიშისთვის დრო არ გრჩება. ამერიკაში რომ წავედით, დეტროიტში სტადიონი არ შეივსო, რომელიც 100 000 ადამიანს იტევდა. თვითმფრინავშიც ბევრი გადავიხადეთ, 500 000 დოლარი, ეს არის ფული, რომელიც მირჩევნია ემილიას მივცე და ამიტომ, აქ ვითამაშოთ. სპალეტისთან ვახშამი იყო მადლიერების, მეგობრობის, მეტი არაფერი“,– განაცხადა დე ლაურენტისმა.
პრესკონფერენციაზე „ნაპოლის“ პრეზიდენტმა ლუჩანო სპალეტიზე მხოლოდ რამდენიმე სიტყვა გაიმეტა. ამ დროს აღმოჩნდა რომ ლუჩანო „ნაპოლის“ დატოვებისათის ემზადება.
იტალიური მედიის მტკიცებით, სპალეტისა და აურელიო დე ლაურენტისს შორის ურთიერთობა ძალიან დაიძაბა. უკვე აღნიშნავენ, რომ ტოსკანელი სპეციალიასტი ნეაპოლურ გუნდში კონტრაქტს არ გაახანგრძლივებს და ზაფხულში კლუბს დატოვებს.
გამოცემამ „Il Mattino“ უკვე იმ დამრიგებლებზე დაწერა, რომლებმაც შესაძლოა, ხვიჩა კვარაცხელიას გუნდი გაწვრთნას.
ყველაზე საინტერესო რაფაელ ბენიტესის გვარია, რომელიც „ნაპოლის“ 2013/15-წლებში უკვე ავარჯიშებდა და გუნდს ორი ტიტულიც მოაგებინა.
სახელდება ასევე ვინჩენცო იტალიანოს, ჯანპიერო გასპერინის, ანტონიო კონტეს, კრისტოფ გალტიესა და ალესიო დიონისის გვარებიც.
ავტორი
