დოჰაში მიმდინარე ჩემპიონატის დასკვნით საშეჯიბრო დღეს გუნდურ ასპარეზობაში საქართველოს ეროვუნულმა ნაკრებმა ბრინჯაოს მედალი მოიპოვა. ძალიან რთულ ბადეში მოხვედრილმა ჩვენმა ნაკრებმა ჯერ მონღოლეთს სძლია, მერე კიდევ უფრო ძლიერ ბრაზილიას, ხოლო მეოთხედფინალში იაპონელებთან დამარცხდნენ და რეპეშაჟში გადაერთვნენ, სადაც ჩვენი მეტოქე უზბეკეთის ნაკრები იყო. ჩვენმა გოგო-ბიჭებმა ეს შეხვედრა 4:2 მოიგეს.
ბრინჯაოს ფინალში გერმანიის ნაკრები იყო ჩვენი მეტოქე და საკმაოდ დაძაბულ ბრძოლაში ასევე 4:2 გაიმარჯვა საქართველოს ნაკრებმა .
აღსანიშნავია ის ფაქტრი, რომ ამ გამარჯვებას კიდევ ერთი მნიშვნელოვანი დატვირთვა აქვს. მსოფლიო ჩემპიონატის ოთხი საუკეთესო ნაკრებმა მოიპოვა ოლიმიური გუნდური ლიცენზია, რაც იმას ნიშნავს რომ ოლიმპიურ თამაშებზე ჩვენი გუნდი განთესილთა შორის იქნება და გაცილებით იოლი ბადის გავლა მოუწევს და გუნდური მედლისთვის ბრძოლა კიდევ უფრო რეალური გახდა.
რაც შეეხება ინდივიდუალურ გამოსვლებს, ჩვენმა გუნდმა მამაკაცთა შორის საერთო ჩათვლაში ისტორიაში პირველად პირველი ადგილი დაიკავა (2 ოქრო, 1 ვერცხლი, 1 ბრინჯაო). ჩემპიონები ტატო გრიგალაშვილი (-81) და ლუკა მაისურაძე (-90) გახდნენ. ბრინჯაო მოიპოვა ლაშა ბექაური (-90) ხოლო ბრინჯაო გიორგი სარდალაშვილმა (-60) მოიპოვა.
ასევე ამ წუთებში მიმდინარეობს მსოფლიო ჩემპიონატის ფინალური დაპირისპირება. ზედიზედ მეხუთედ ერთმანეთს „გოძილები“ და „მამლები“ უპირისპირდებიან.
ავტორი
