პარტია “ლელოს” ჩოხატაურელი ლიდერი მალხაზ ჩხიკვაძე სოციალურ ქსელში ბახმაროში ორბის ასაშენებელ სასტუმრო კომპლექსთან დაკავშირებით კიდევ ერთ პოსტს აქვეყნებს.
როგორც ჩხიკვაძე წერს, აღნიშნული კომპლექსი ბახმაროსთვის შეუფერებელია. უფრო მეტიც, ჩხიკვაძის ინფორმაციით, ორბი სასტუმრო კომპლექსის მომხრეები ხშირად საილოსტრაციოდ დავოსში აშენებული სასტუმროების სურათებს იყენებენ, რაც არაკორექტულობა ან ინფორმაციის ნაკლებობაა.
“კიდევ ერთხელ ბახმაროს შესახებ!
ბახმარო ისე უნდა აშენდეს რომ დამშვენდეს!!!
ხშირად “ორბის” სასტომრო კომპექსის მომხრეებს საილუსტრაციოდ მოაქვთ დავოსში აშენებული სასტუმროების სურათები! ჩემი აზრით ეს უბრალოს ან არაკორექტულობაა ან კიდევ ინფორმაციის ნაკლებობა! ის რა მასშტაბის შენობის აშენება დავოსში შესაძლოა ბუნებრივი იყოს, ბახმაროსთვის შეუფერებლად დიდი იქნება.
ახლა უბრალოდ რიცხვები:
ფართობი: დავოსი 284 კვ/კმ, ბახმარო 29,44 კვ/კმ (დავოსზე თითქმის 10-ჯერ მცირე)
მოსახლეობა: დავოსი 10 898 კაცი (2018), ბახმაროში მუდმივი მაცხოვრებელი არ არის
დავოსი გარდა კურორტისა არის რეგიონული ცენტრი. ბახმარო ყველამ კარგად ვიცისთ რომ ასეთი ფუნქციის მატარებელი არაა.
ინფორმაცია იოლად შეგიძლიათ გადაამოწმოთ ვიკიპედიაში….
აქვე საილუსტრაციოდ გთავაზობთ დავოსისა და ბახმაროს ორთოფოტოებს, მასშტაბი ერთიდაიგივე 1:5000….
განსხვავება თვალშისაცემია.
ასე რომ, ჩემი აზრით “ორბის” მიერ წარმოდგენილი შენობის პროექტი (რომლის სიგრძე 150 მეტრია) ბახმაროსათვის შეუსაბამოდ დიდი და შეუფერებელია!!!”_ წერს ჩხიკვაძე.
