“მრავალს შერცხვება სასიკვდილო სარეცელზე მოახლოებული სიკვდილის წინ იმის გამო, რომ არ გაიქცა”, _ ამის შესახებ დეკანოზი კონსტანტინე პაიჭაძე სოციალურ ქსელში წერს.
“როცა ადამიანი სიკვდილის მოახლოებას გრძნობს, ნანობს არა მარტო იმას, რა გააკეთა, არამედ, თურმე, უფრო უმძაფრდება სინანულის განცდა იმაზე, რა არ გააკეთა.
მრავალს შერცხვება სასიკვდილო სარეცელზე მოახლოებული სიკვდილის წინ იმის გამო, რომ არ გაიქცა და დაუპირისპირდა საკუთარ ხალხს. მრავალის შვილებს და შვილისშვილებს შერცხვებათ, რომ მათმა მამებმა და პაპებმა ხელი მოაწერეს საკუთარი მიწის გასხვისებას. მრავალს იმისთვის, რომ წინ აღუდგა საკუთარ ხალხს.
არ არსებობს იმაზე დიდი სირცხვილი, როცა კაცს რცხვენია იმის აღიარება, ვისი შვილი ან შვილიშვილია.
დაიცავით თქვენი შთამომავლები ამ სირცხვილისაგან!
დაიცავით საკუთარი ხსოვნა მომავალში!
დაიცავი დღეს სამშობლო და სამშობლო განგადიდებს შენ!
რადგან თქმულია: აი, კაცი და აი, მისი საქმე”, _ წერს მამა კონსტანტინე.
