„თქვენ კოლეგასთან დაკავშირებით ვიზიარებ მწუხარებას, მაგრამ ჩვენს ძალადობრივ მოწოდებასთან თქვენი კოლეგის დაღუპვას კავშირი არ აქვს“, _ ამის შესახებ ,,ალტ-ინფოს“ ერთ-ერთმა დამფუძნებელმა კონსტანტინე მორგოშიამ შსს-ში გამოკითხვის დასრულების შემდგომ.
მისი თქმით, ტელევიზია დაახლოებით 20 წელია ძალადობას ახორციელებს მოსახლეობაზე.
„თქვენ კოლეგასთან დაკავშირებით ვიზიარებ მწუხარებას, მაგრამ ჩვენს ძალადობრივ მოწოდებასთან თქვენი კოლეგის დაღუპვას კავშირი არ აქვს.
თქვენ, დაახლოებით, 20 წელია, მთელი ტელევიზია ძალადობას ახორციელებთ მოსახლეობაზე. საქართველოს მოსახლეობას თქვენ რომ სძულხართ, „ალტ ინფოს“ ნუ დააბრალებთ. 50 ადამიანი როცა ჟურნალისტებს ეხება ხელით თუ ფეხით, თუ აგინებს, ხომ უნდა მიხვდე, რომ ე.ი. რაღაც პრობლემა თქვენშიც არის?!
ჩემი ვარაუდია ასეთი, რომ ლექსო ლაშქარავას გარდაცვალებაში არ არის გამორიცხული, იკვეთებოდეს რაღაცა დივერსია, ანუ, მაგალითად, იგივე, თუ იყო ზედოზირება, თუ ეს დაადგინეს, არ არის გამორიცხული, რომ აი, ამ ვიგინდარებისგან არ გამიკვირდება, რაღაც ჩარევა ყოფილიყო“, – განაცხადა კონსტანტინე მორგოშია.
ცნობისთვის, „ალტ-ინფოს“ დამფუძნებლები, მათ შორის, კონსტანტინე მორგოშია და ზურა მახარაძე, რომლებიც 5-6 ივლისის თბილისი პრაიდის საწინააღმდეგო აქციის ორგანიზატორები იყვნენ, თბილისის მთავარ სამართველოში გამოკითხვაზე იმყოფებოდნენ.
ავტორი: მერაბ ცაავა
