სტამბოლში დახურულ სივრცეში ქორწილის და სხვა ცერემონიების გამართვა იკრძალება.
აღნიშნული აკრძალვა ძალაში ორშაბათიდან შევა და მისი მიღების საფუძველი ეპიდვითარება გახდა.
ცნობისთვის, კორონავირუსის შემთხვევები ყოველდღიურად მატულობს და იზრდება დაინფიცირების შედეგად გარდაცვლილთა რიცხვიც.
ადგილობრივი ხელისუფლების განცხადებით, ღია სივრცეში გამართულ ღონისძიებებზე აკრძალული იქნება ბავშვების და 60 წელს გადაცილებული ადამიანების დასწრება.
