ინტერნეტსივრცეში გამოჩნდა კუნძულ ზმეინის პირველი თანამგზავრული ფოტო. ეს ის კუნძულია, რომლის დამცველებმა, რუსეთის სამხედრო გემს მოთხოვნაზე, დანებებოდნენ, უშიშრად უპასუხეს: „Русский военный корабль, иди на х*й“, _ იუწყება cnn.com.
ფოტოზე, რომელიც კვირას კომპანია Maxar Technologies-მა გადაიღო, ჩანს რუსეთის არმიის დაბომბვის შედეგად განადგურებული შენობები, ასევე, ზემოთ ხსენებული რუსული გემი, რომელიც შავ ზღვაში ღუზაჩაშვებული დგას.
კუნძულზე რუსეთის არმია მას შემდეგ შეიჭრა, რაც კუნძულის დამცველმა გარნიზონმა კაპიტულაციაზე უარი განაცხადა და საკადრისი პასუხი გასცა აგრესორებს.
როგორც თავიდან გავრცელდა ინფორმაცია, ყველა უკრაინელი სამხედრო დაიღუპა და პრეზიდენტმა ვოლოდიმირ ზელენსკიმ განაცხადა, რომ მათ სიკვდილის შემდეგ გმირის წოდებას მიანიჭებდნენ, თუმცა, შემდეგ უკრაინელებმა განაცხადეს, რომ კუნძულის დამცველები რუსებმა ტყვედ აიყვანეს და ისინი ცოცხლები არიან.
უკრაინის სამხედრო საზღვაო ძალების ცნობით, ზმეინის გარნიზონმა რუსეთო ორი შეტევა მოიგერია და შემდეგ, საბრძოლო მარაგის ამოწურვის გამო, წინააღმდეგობა შეწყვიტა.
თანამგზავრულ ფოტოზე ჩანს, რუსების დაბომბვის შედეგად დაზიანებული შენობები და სარაკეტო დარტყების შედეგად გაჩენილი კრატერები.
გემი, რომელიც ღია ზღვაში დგას, სადესანტო გემია.
