ოკეანეები უფრო სწრაფად თბება, ვიდრე, 2014 წელს, კლიმატის ცვლილებების შეფასებისას, მეცნიერებმა იანგარიშეს. აღნიშნულ ინფორმაციას CNN ახალ კვლევაზე დაყრდნობით ავრცელებს, რომელიც ჟურნალ SCIENCE-მა გამოაქვეყნა.
მონაცემების მიხედვით, ოკეანეებმა 1950 წლიდან ცვლილებები განიცადეს და 1960 წლიდან უფრო მეტად გათბნენ.
მკვლევარების თქმით, ოკეანეების დათბობა კლიმატური ცვლილებებისგან არის გამოწვეული, რასაც ადამიანის ისეთი მოქმედებები განაპირობებს, როგორიცაა წიაღისეულის წვა.
როგორც მეცნიერები ამბობენ, გამთბარი ოკეანე იწვევს ზღვის დონის ამაღლებას, ისეთ პრობლემებს, როგორიცაა სანაპიროს სახიფათო დატბორვა, ყინულის დაკარგვა, წყლების გაცხელება. შესაძლოა არქტიკის ცივმა ჰაერმა სამხრეთისკენ გადაინაცვლოს, რაც უფრო ინტენსიურ ზამთარს განაპირობებს. საფრთხე შეუქმნას ცხოველების სიცოცხლეს, რომლებიც დამოკიდებული არიან ზღვის ყინულზე, პინგვინებს და პოლარულ დათვებს.
თბილი ოკეანე ასევე ხელს უწყობს ნალექების ზრდას, ძლიერ და ხანგრძლივ ქარიშხლებს.
გავრცელებული ინფორმაციით, ტემპერატურის 1 გრადუსით მომატება ნიშნავს 7%-ით მეტ ტენიანობა ჰაერში.
კვლევის მიხედვით, ფლორენციას ირგვლივ ოკეანის ტემპერატურა ნორმალურთან შედარებით 1.5 გრადუსით მეტია, რის შედეგადაც, ჰაერი 10%-ით მეტად ტენიანია.
ექსპერტების თქმით, თუ ადამიანები არაფერს გააკეთებენ ოკეანის გათბობის შესაჩერებლად 2081-2100 წლებისთვის ოკეანის ზედა ნაწილი 6-ჯერ უფრო თბილი იქნება, ვიდრე გასული 60 წლის განმავლობაში გათბა.
